बाढीपहिरोको जोखिमले विद्यालय सञ्चालनमा कठिनाइ भएकाले तीन दिन विद्यालय बन्द गर्न सरकारको सबै स्थानीय तहलाई अनुरोध

काठमाडौँ- अविरल वर्षाका कारण उत्पन्न बाढी र पहिरोको जोखिमलाई मध्यनजर गर्दै शिक्षा, विज्ञान तथा प्रविधि मन्त्रालयले देशभरका विद्यालय तीन दिनका लागि बन्द गर्न स्थानीय तहलाई अनुरोध गरेको छ। मन्त्रालयका प्रवक्ता लक्ष्मीप्रसाद भट्टराईले यस विषम परिस्थितिमा विद्यालय भवनलाई आकस्मिक व्यवस्थापनका लागि उपयोग गर्नुपर्ने हुनाले यो निर्णय लिइएको जानकारी गराएका छन्।

बाढी र पहिरोले धेरै स्थानमा विद्यालय र विश्वविद्यालयका भवनहरूमा क्षति पुर्याएको, विद्यार्थी तथा अभिभावकहरू प्रभावित भएको र यातायात समेत अवरुद्ध भएकोले, विद्यालय बन्द गर्ने निर्णय आवश्यक भएको बताइएको छ। साथै, भौतिक क्षतिको विवरण मन्त्रालयमा पठाउनसमेत आग्रह गरिएको छ।