बुटवल – विभिन्न स्थानबाट सुनचाँदी चोरीका घटनामा संलग्न भएका ७ जनालाई रुपन्देही प्रहरीले पक्राउ गरेको छ।
विभिन्न स्थानबाट सुनचाँदी चोरीका घटनामा संलग्न भएका उनीहरु बुटवल उपमहानगरपालिका वडा नम्बर ९ जितगढीस्थित कालीगण्डकी होटलबाट पक्राउ परेका हुन्।
पक्राउ पर्नेमा पर्साको वीरगञ्ज महानगरपालिका–१९ बस्ने ३२ वर्षीय उत्तमप्रसाद यादव, वीरगञ्ज महानगरपालिका–२० बस्ने २० वर्षीय राकेशसिंह राठौर, सोही ठाउँका २० वर्षीय परिवर्तित नाम भैरहवा–२७, पर्साको पटेर्वा सुगौरी–४ बस्ने १९ वर्षीय सन्दीप राय, सोही ठाउँका ३२ वर्षीय राजेश राय नट र पर्साको पाकहर गाउँपालिका–९ बस्ने ३४ वर्षीय रामबहादुर राय रहेका छन्।
उनीहरुसँगबाट प्रहरीले सुनको सिक्री ४ थान, टुटेको सिक्री २४ क्यारेट सुन ८.०६ ग्राम, सादा सिक्री २४ क्यारेट सुन ११.३७ ग्राम, लकेटसहितको सादा सिक्री २४ क्यारेट सुन ९ ग्राम, चाँदीको सिक्री एक थान (३६.७४ ग्राम), ५६ हजार नगद, विभिन्न कम्पनीका मोबाइल ८ थान र बीआर–०५एस–०३४ नम्बरको भारतीय स्कार्पियो गाडी बरामद गरेको छ।
उनीहरुलाई जिल्ला अदालत रुपन्देहीबाट म्याद थप गरी अनुसन्धान प्रक्रिया अगाडि बढाइएको रुपन्देही प्रहरी प्रमुख प्रहरी नायब उपरीक्षक भरतबहादुर विकले जानकारी दिए।
विर्तामोड, झापा — नव आदर्श टोल विकास संस्थाले सामाजिक उत्तरदायित्वका भावना सहित समाजसेवामूलक अभियान अन्तर्गत…
बिर्तामोड, झापा — स्वास्थ्यका लागि खेलकुद, लागूऔषधमुक्त समाज र लैङ्गिक समानता प्रवर्द्धन गर्ने उद्देश्यका साथ…
बिर्तामोड–३ स्थित मुसहर बस्तीकी ३५ वर्षीया दिलकुमारी ऋषिदेवको चट्याङ लागी मृत्यु भएको छ। बाख्रा लिन…