दरबार परिसरमा डोजर, ५७ घरटहरा भत्काउदै तानसेन सरकार

पाल्पा ।

पाल्पा दरबार परिसरलाई सौन्दर्यता बनाउन र विश्व सम्पदा सूचीमा पार्ने योजना सहित नगरपालिकाले मखनटोल, शीतललपाटी, बैंकरोड क्षेत्रका ५७ वटा घरटहरा भत्काएकाे छ । दरबार संग्रहालय बाहिरका संरचना डोजर लगाएर भत्काएको छ । दरबार  संग्रहालय परिसरको पूर्व र उत्तर तर्फका पसल संचालन भइरहेका ५७ घर टहराहरू  नगरपालिका सहित विभिन्न संघसंस्थाले सञ्चालन गरेका घरटहरामा भत्काइएको हो ।

तानसेन नगरपालिकाले ३ वटा डोजर प्रयोग गरी दरबार परिसरमा रहेका पसल भत्काएको हो । पसल भत्काउन तानसेन नगरपालिकाका कार्यवाहक प्रमुख प्रतिक्षा सिंजाली, प्रवक्ता यादव सिंह कार्की सहित जनप्रतिनिधिहरू, प्रमुख प्रशासकीय अधिकृतसहित सम्पूर्ण कर्मचारी, नेपाल प्रहरी, सशस्त्र प्रहरी सहभागी भएका थिए । तानसेन नगरपालिकाले ३५ दिने सूचना प्रकाशन गरेर घर टहरा खाली गर्न भनेको थियो । म्याद समाप्त भए लगत्तै ३६ औ दिनको बिहानै डोजर लगाएर भत्काएको छ ।