एमालेले गम्भीर आत्मसमीक्षा गर्नुपर्छ: सुरेन्द्र पाण्डे

काठमाडौं। नेकपा (एमाले)का नेता सुरेन्द्र पाण्डेले प्रतिनिधि सभा निर्वाचनको नतिजापछि पार्टीलाई गम्भीर आत्मसमीक्षा गर्नुपर्ने बताएका छन्।

शनिबार साँझ सामाजिक सञ्जालमा स्टाटस लेख्दै पाण्डेले जनविश्वास गुम्नुको कारण इमानदारीपूर्वक स्वीकार गरी त्यसबाट पाठ सिक्नुपर्ने बताएका छन्। उनले भने, “आफ्ना गल्तीहरू सच्याउने साहस, नेतृत्वको शैलीमा परिवर्तन र कार्यपद्धतिमा सुधार गर्न सके मात्र हामी फेरि जनताको भरोसा जित्न सक्छौं।”

साथै, उनले शानदार नतिजा हासिल गरेका रास्वपा र अन्य विजेतालाई पनि हार्दिक बधाई दिएका छन्।