मोना अन्तर्राष्ट्रिय कार्यसमितिको अध्यक्षमा ददिवल खड्का निर्विरोध निर्वाचीत

काठमाडौं। म्याग्दी प्रवासी नेपाली संघ मोना अन्तर्राष्ट्रिय कार्यसमितिको अध्यक्षमा ददिवल खड्का सर्वसम्मत रुपमा निर्वाचित हुनुभएको छ ।

निवर्तमान कार्यसमितिमा बरिष्ठ उपाध्यक्ष रहनुभएका खड्का म्याग्दीको बेनिमा शनिवार भएको पाचौं महाधिवेशन मार्फत आगामी दुई बर्षे कार्यकालका लागि अध्यक्षमा निर्विरोध निर्वाचित हुनुभएको हो ।

जापानमा रहेर व्यवसायसँगै सामाजिक सेवाको क्षेत्रमा सक्रिय रहनुभएका सफल व्यवसायी खड्का गैर आवासीय नेपाली संघ एशिया प्यासिफिक क्षेत्रको उपसंयोजक समेत रहनुभएको छ ।

यसैगरि मोनाको पाचौं महाधिवेशनबाट  व्यवसायी तथा सामाजिक अभियन्ताद्धय उपाध्यक्षमा दिपक कार्की, युवा संयोजकमा सचिन श्रेष्ठ समेत निर्विरोध निर्वाचीत हुनुभएको छ ।

अध्यक्षका प्रत्यासी मिम पुर्जाले उम्मेदवारी फिर्ता लिइ बरिष्ठताका आधारमा खड्कालाई अध्यक्षमा सहयोग गर्ने निर्णय गरेपछि सर्वसम्मत नेतृत्व चयन भएको हो ।