समानुपातिक मतगणनामा रास्वपा पहिलो, कांग्रेस र एमाले पछ्याउँदै

काठमाडौँ। प्रतिनिधिसभा सदस्य निर्वाचनअन्तर्गत समानुपातिकतर्फ हालसम्म एक करोड दुई लाख ५३ हजार ३७७ मतगणना सम्पन्न भएको छ।

निर्वाचन आयोगका अनुसार फागुन २१ मा सम्पन्न निर्वाचनको आज बिहान ५ः५० बजेसम्मको मतपरिणामअनुसार राष्ट्रिय स्वतन्त्र पार्टी (रास्वपा) अग्रस्थानमा रहेको छ। रास्वपाले हालसम्म ४९ लाख २९ हजार ८५० मत प्राप्त गरेको छ।

त्यस्तै, नेपाली कांग्रेस ले १६ लाख ६७ हजार ७३३ मत प्राप्त गरेको छ भने नेकपा (एमाले) ले १३ लाख ८५ हजार ७३० मत ल्याएको छ। त्यसैगरी नेपाली कम्युनिष्ट पार्टी ले सात लाख ४८ हजार ८१६ मत प्राप्त गरेको छ।

अन्य दलतर्फ श्रम संस्कृति पार्टी ले तीन लाख ४६ हजार ७८६ मत प्राप्त गरेको छ भने राष्ट्रिय प्रजातन्त्र पार्टी ले तीन लाख २२ हजार २२ मत प्राप्त गरेको निर्वाचन आयोगले जनाएको छ।

समानुपातिकतर्फको मतगणना अझै जारी रहेको छ।