टिपरको ठक्करबाट दिदीबहिनीको मृत्यु

काठमाडौं: काठमाडौंको गोकर्णेश्वर नगरपालिका–१, सुन्दरीजल, खड्कागाउँमा आज बिहान टिपरको ठक्करबाट मोटरसाइकलमा सवार दुई बालिकाको घटनास्थलमै मृत्यु भएको छ । मोटरसाइकल चालक भने गम्भीर घाइते भएका छन् ।
मृत्यु हुनेमा सुन्दरीजलका अन्दाजी नौ वर्षीया श्रेया तामाङ र चार वर्षीया सृष्टि तामाङ छन् । उनीहरू दिदीबहिनी हुन् ।

घाइते भएका मोटरसाइकल चालक ३० वर्षीय रोहन तामाङको अत्तरखेलस्थित नेपाल मेडिकल कलेजमा उपचार भइरहेको महानगरीय ट्राफिक प्रहरी महाशाखाले जानकारी दिएको छ ।
बा४ख ६९६५ नम्बरको टिपरले तामाङ र उनकी छोरीहरू सवार बा५१प ८७३३ नम्बरको मोटरसाइकललाई ठक्कर दिएको थियो । टिपर चालकलाई प्रहरी वृत्त बौद्धले नियन्त्रणमा लिएको छ ।