रेसुङ्गा विमानस्थलबाट आगामी बैशाखसम्म उडान गर्ने गरी काम अगाडी बढाइएको

गुल्मी: गुल्मी जिल्लाको रेसुङ्गा विमानस्थलबाट आगामी बैशाखदेखि नियमित उडान गर्ने गरी तयारी अगाडी बढेको छ । पछिल्लो समयमा बिमानस्थलका अन्तिम चरणका टर्मिनल भवन र धावन मार्गको काम सम्पन्न हुन थालेको छ ।

अब गुल्मेली जनतामा जहाज चढने आशा पलाएको छ । गुल्मी जिल्लाको रेसुङ्गा नगरपालिका वडानम्बर–१० सिमीचौरमा निर्माणधिन रेसुङ्गा विमानस्थलबाट आगामी बैशाखसम्म उडान गर्ने गरी काम अगाडी बढाइएको छ ।

विमानस्थलको टर्मिनल भवन र धावन मार्ग कालोपत्रे गर्ने काम अबको एक हप्तामा सकिन लागेको हो । विमानस्थलको धावन मार्ग र टर्मिनल भवनको काम सकिए लगत्तै कार्यालय व्यवस्थापनको काम बाँकी रहने रेसुङ्गा निमानस्थलका आयोजना प्रमुख सन्जीव खड्काले बताए ।

विमानस्थलबाट टुइनेटर विमानस्थल यस यहाँबाट उडान हुनेभएकाले नियमित उडानगर्नतर्फ अब हाम्रो ध्यान अगाडी बढेको रेसुङ्गा नगरपालिका वडानम्बर–१० का वडाअध्यक्ष पदमप्रसाद अर्यालले बताए । यहाँबाट नियमित उडान गर्नका लागि बिभिन्न एअरलाइन्स कम्पनीसँग छलफल भइरहेको अर्यालको भनाई छ । उनले गत वर्षको मंसिरदेखि नै एअरलाइन्स कम्पनीले उडान गर्नका लागि इच्छुक भएको बताए । अब यहाँको सम्पूर्ण काम पुरा भएपछि नियमित उडान गर्नका लागि छलफल अगाडी बढाउने उनले बताए ।

यस विमानस्थलबाट तत्काल टुइनेटर विमानबाट सेवा दिइने बताए । विमानस्थललाई ठूला जहाज उडान गराउनको लागि पनि राज्यबाट थप लगानी गरेर बिस्तार गर्न पनि सकिने अर्यालको भनाई छ । भविश्यमा व्यवसायिक सफला भए त्यसतर्फपनि ध्यान दिने अर्यालले बताए । विमानस्थलसम्म आउने मोटरबाटो स्तरउन्नती, कालोपत्रे लगायतका कामहरुमा पनि ध्यान दिएको अर्यालले बताए ।

अब प्राबिधिक समस्या नआए बैशाखबाट विमानस्थल सञ्चालनमा ल्याउने अर्यालले बताए रेसुङ्गा विमान स्थलमा २०७५ साल जेठ २७ गते परिक्षण उडान पनि गरिएको थियो । धावन मार्गको निर्माणको कार्य लागि ७ करोड ५ लाख रुपैयाँ लागत रहेको छ । कालोपत्रे गर्ने काम बि एण्ड डी निर्माण काम्पनीले काम गरिरहेको छ । टर्मिनल भवनको ४ करोड ५ लाखमा बिकोई श्रेष्ठ जेभीले काम गरिरहेको छ ।

विमानस्थलको हालसम्म २४ करोड बढि रकम खर्च भएको रेसुङ्गा निमानस्थलका आयोजना प्रमुख खड्काले बताए । २०६३ सालमा तत्कालिन संस्कृति तथा पर्यटन मन्त्री प्रदीपकुमार ज्ञवालीले विमानस्थलको शिलान्यास गरेपनि २०७२ साल पछि बल्ल निर्माणको कामले निरन्तरता पाएको हो । विमानस्थल ५२० मिटर लम्बाई र २० मिटर चौडाइमा धावन मार्ग निर्माणको काम भइरहेको छ । कुल १७८ रोपनी जग्गामा बिमानस्थलको एरिया छ ।

जसमध्ये ७८ रोपनी जग्गा व्यक्तिको र बाँकी जग्गा सार्वजनिक रहेको रेसुङ्गा निमानस्थलका सहायक आयोजना प्रमुख दिनेश परियारले बताए । रेसुङ्गा विमान स्थलका कारण १४ घर विस्थापती भएका थिए ।