होली बिशेष साहित्यिक कार्यक्रम सम्पन्न

लक्ष्मण न्यौपाने ,सिकागो, यू एस ए

अन्तर्राष्ट्रिय नेपाली साहित्य समाज उत्तर अमेरिका क्षेत्रीय समितिद्वारा रंगहरुको पर्व, होली संगै ‘होली विशेष साहित्यिक कार्यक्रम’ को आयोजना गरेको थियो।

नेपाली भाषा, साहित्यको संरक्षण र संवर्धनको महान अभियान बोकेर अघि बढिरहेको यस संस्थाले नेपालका चाडपर्वहरू विशेष एवं विभिन्न विशिष्ट साहित्यकारहरूका जन्म-जयन्तीहरु लगायत कार्यशाला सर् तथा विभिन्न कार्यक्रमहरु गर्दै आएको सर्वविदित नै छ र यस पाली भने अमेरिका तथा क्यानाडा भरिका अ ने सा स च्याप्टर हरुलाई समेटेर होली विशेष साहित्यिक रचना वाचन कार्यक्रमको आयोजना भएको थियो।

अमेरिका तथा क्यानाडा गरी २२ च्याप्टरहू मध्यबाट १७ च्याप्टरहरूका झण्डै 35 जना सर्जकहरूको सहभागिता रहेको यो संयुक्त र बिशेष कार्यक्रम अ ने सा स उतर अमेरिका क्षेत्रीय समितिका यो छैठौ संयोजन थियो। कार्यक्रममा बिओटी उपाध्यक्ष एवं पुर्ब केंद्रीय अध्यक्ष पदम विश्वकर्मा, बिओटी उपाध्यक्ष पुरु सूबेदी , केन्द्रीय कार्य समितिका वरिष्ठ उपाध्यक्ष गोवर्धन पुजा , केन्द्रीय उपाध्यक्ष एवं अ ने सा स उतर अमेरिका क्षेत्रका संयोजक राजेन्द्र श्रेष्ठ, केन्द्रीय कोषाध्यक्ष कृष्ण गिरी, केन्द्रीय सदस्य तारा अधिकारी लगायतका उपस्थित हुनुहुन्थ्यो भने विभिन्न च्याप्टरहरु बाट प्रतिनिधित्व गर्दै भगवती पौडेल , चम्पा भट्टराई पाण्डे , उमा शर्मा , गिता बस्नेत, लाल चौलागाई ,गीता बजगाई , रीता देबी प्रधान ,शकुन ज्ञवाली , जानुका वोस्ती ढकाल , शान्ता अधिकारी, साधना शर्मा, दीप कार्की , अमर बहादुर कार्की , , तिलक कार्की , लक्ष्मण न्यौपाने ,समुद्र बास्कोटा, तिल रूपा आचार्य, ट्रस्टी सदस्य तीर्थराज अधिकारी तथा ईश्वर बगाले लगायतका विभिन्न च्याप्टरका पदाधिकारी एवं सर्जकहरु सहभागी थिए।

कार्यक्रममा अधिकांश रचनाहरु होली पर्वलाई समेटेर लेखिएका थिए र रचनाहरुमा जसै जसै नेपाली चाडपर्वहरु आउँछन् प्रदेशीलाई जन्मभूमि, मातृभूमिबाट टाढा रहेको पिड़ा , पर्वमा छुटेका मीठा सम्झनाहरु, भावनाहरु समेटिएका थिए भने केहि अन्य विषयमा रचिएका मिठा कविता, गीत, गजल, मुक्तक प्रस्तुत भएका थिए। झण्डै 3 घण्टा लामो यस रचना वाचन कार्यक्रम निकै मधुर्यताका साथ र श्रृंखला वद्द रूपमा सम्पन्न भएको थियो।

कार्यक्रममा आफ्नो रचना बाचन संगै बिओटी उपाध्यक्ष पदम विश्वकर्माले यस्ता कार्यक्रमहरूको आयोजनाले साहित्यिक विकाश सँगसँगै च्याप्टरहरू बीचको सम्बन्ध एवं च्याप्टर र केन्द्रबीचको सम्बन्धमा निकटता ल्याउन विशेष भूमिका खेल्ने हुदा आगामी दिनहरुमा पनि यस्ता कार्यक्रमहरु आयोजना हुनुपर्ने कुरामा विशेष जोड दिदै होली पर्बको सबैमा शुभकामना ब्यत गर्नु भयों ।

संयोजक, राजेन्द्र श्रेष्ठ द्वारा संचालन गरिएको उक्त कार्यक्रममा सबै उपस्थित सहभागी हरूलाई पदीय आसण ग्रहण मात्र गराएर नौलो र सरल पाराले अघि बढाइएको उक्त कार्यक्रम गोर्खाली भ्वाईस अनलाइन मिडियाले आफ्नो फेसबुक एवं यू-टुब च्यानल मार्फ़त प्रत्यक्ष प्रशारण गरेको थियो ।