हिन्दुहरुको महान पर्व रक्षावन्दन जनैपूर्णिमा पाल्पामा ।

भविन्द्र गौतम पाल्पा १० भदौ

हिन्दुहरुको महान पर्व रक्षावन्दन जनैपूर्णिमा पाल्पामा पनि धार्मिक विधी अनुसार मनाएका छन । पाल्पाका ब्रहमणले बिहानै नदी नाला, ताल तलैया, खोला धारामा पुगी शुद्ध जलले स्नान ऋषि तर्पणी गरेर मन्त्र द्धारा मन्त्रिएको जनै फेरेका छन । विभिन्न मन्दिरमा आत्माको शुद्धिकरण तथा रक्षाको लागी पण्डित, ब्रहमण, पुरेतद्वारा मन्त्रिएको धागो हातको नाडीमा बाध्ने परम्परा अनुसार पाल्पाको विभिन्न मन्दिरमा रक्षा बन्दन गर्नेको भीडभाड लागेको छ । तानसेनको अमरनारायण मन्दिर, शिव मन्दिर, भगवती मन्दिरमा रक्षा बन्दन गर्ने र जनै फेर्नेहरुको निकै भिडभाड लागेको छ । आज बाह्रमण पण्डितहरु आ–आफनो ज जमानको घर–घरमा पुगी रक्षा बन्दन गर्ने जजमाानले दक्षिणा, तथा शिदा दिने परम्परा रहेको छ ।

आज ज्वाईहरु शसुराल पुगी रक्षा बन्धन गरिदिने र भान्जाहरु आफ्नो मामा घरमा, पुगी रक्षा बन्धन गर्ने परम्परा रहेको छ । यसैगरि तराई क्षेत्रमा दिदीबहिनीले आफ्ना दाजुभाईलाई रक्षाको लागि राखी बाधिदिने चलन रहेता पनि आजकल पहाडी क्षेत्रमा समेत यो प्रचलन बढ्दै गएको छ । पाल्पामा पनि आफ्ना दिदिा बहिनीहरुले दाजुभाई राखी बाधिदिएका छन । यसैबिच ब्रम्हकुमारी इश्वरीय विश्व विद्यालय पाल्पा शाखाले पनि प्रवचन तथा सामुहिक रूपमा रक्षा बन्धन कार्यक्रम गरेको छ । ब्राह्मण समाज पाल्पाले पनि तानसेनको नारायण मन्दिरमा आएका भक्तजनलाई जनै तथा प्रसाद प्रदान गरेको छ । यसैगरी नेवारी समुदायमा विभिन्न १२ थरीका गेडा गुडी भिजाएर टुसा उमारी क्वाटी खाने परम्परा रहेको छ । क्वाटी खाएमा विभिन्न रोगहरु नलाग्ने र शरिमा रोग संग लड्ने क्षमता बढाउने जनविश्वास रहेको छ । यसैगरी सरकारले ब्रहामणहरुको महत्वुर्ण चाड जनै पूर्णिमाको सार्वजनिक विदा कटौती गरेकोमा विरोध जनाएका छन । सरकारले परम्परादेखी चल्दै आएका विभिन्न जातजातिका चाड पर्व धर्म संस्कृति लाई धरासायी बनाउने र जातिय द्धन्द्ध फैलाउने कृयाकलाप लाई प्राथमिकता दिएको पाल्पाका ब्रहामणहरुले आरोप लगाएका छन ।