सुनसरी–१ मा हर्कराज राई (हर्क साम्पाङ) विजयी, मेयरबाट राजीनामा दिएर बने सांसद

सुनसरी — सुनसरी क्षेत्र नम्बर–१ मा श्रम संस्कृति पार्टीका अध्यक्ष हर्कराज राई (हर्क साम्पाङ) प्रतिनिधिसभा सदस्यमा निर्वाचित भएका छन्।

आइतबार दिउँसो सार्वजनिक अन्तिम मतपरिणामअनुसार राईले ३५ हजार ७४१ मत प्राप्त गर्दै विजय हासिल गरेका हुन्। यससँगै प्रतिनिधिसभामा श्रम संस्कृति पार्टीबाट निर्वाचित हुने सांसदको संख्या २ पुगेको छ।

उनका निकटतम प्रतिस्पर्धी राष्ट्रिय स्वतन्त्र पार्टी (रास्वपा)की गोमा तामाङ ‘सरिन’ले २७ हजार २४९ मत प्राप्त गर्दै दोस्रो स्थान हासिल गरिन्।

त्यसैगरी नेकपा एमालेका टीकाराम लिम्बूले ६ हजार ४६३ मत प्राप्त गर्दा नेकपाका सूर्यबहादुर भट्टराईले ६ हजार १८५ मत ल्याएका छन्।

प्रतिनिधिसभा निर्वाचनमा उम्मेदवारी दिनका लागि राईले यसअघि धरान उपमहानगरपालिकाको मेयर पदबाट राजीनामा दिएका थिए