झापा–१ मा निशा डाँगीको सानदार जीत, रास्वपाको फराकिलो मतान्तर

झापा–१ मा रास्वपाकी निशा डाँगी निर्वाचित

झापा, फागुन २३ — प्रतिनिधिसभा सदस्य निर्वाचन अन्तर्गत झापा क्षेत्र नम्बर–१ मा राष्ट्रिय स्वतन्त्र पार्टी (रास्वपा)की उम्मेदवार निशा डाँगीफराकिलो मतान्तरसहित निर्वाचित भएकी छन्।

गत निर्वाचनमा नेपाली कांग्रेसका उपसभापति विश्वप्रकाश शर्मा निर्वाचित भएको क्षेत्रमा यसपटक डाँगीले सानदार जित हासिल गरेकी हुन्।

अन्तिम मत परिणामअनुसार डाँगीले ४५ हजार ६८० मत (५८.३५%) प्राप्त गरिन्। नेपाली कांग्रेसका केशवराज पाण्डेले १० हजार ५५० मत (१३.४७%) ल्याउँदै दोस्रो स्थान हासिल गरे।

त्यसैगरी श्रम संस्कृति पार्टीका केवलराम राईले १० हजार ४ मत (१२.७८%) प्राप्त गर्दै तेस्रो स्थानमा रहे भने नेकपा एमालेका रामचन्द्र उप्रेतीले ७ हजार ६५९ मत (९.७८%) प्राप्त गरेका छन्।

झापा–१ अन्तिम मत परिणाम

• जम्मा मतदाता: १,३१,०६७

• खसेको मत: ८२,५६० (लगभग ६३.००%)

• सदर मत: ७८,२९१ (९४.८४%)

• बदर मत: ४,२६९ (५.१६%)