राप्रपा नेताहरूको रिहाइको माग गर्दै माइतीघरमा विरोध प्रदर्शन

​राष्ट्रिय प्रजातन्त्र पार्टी (राप्रपा) का भातृ संगठनहरूले सोमबार माइतीघर मण्डलामा विरोध प्रदर्शन गरेका छन्। उनीहरूले तीनकुने घटनामा राज्य पक्षले दमन गरेको भन्दै पक्राउ परेका नेता तथा सम्पूर्ण राष्ट्रवादीहरूको अविलम्ब रिहाइको माग गरेका छन्। प्रदर्शनका क्रममा मृत्यु भएकालाई शहीद घोषणा गर्नुपर्ने, घाइतेहरूको निःशुल्क र प्रभावकारी उपचारको व्यवस्था गर्नुपर्ने, र घटनाको न्यायिक समिति बनाएर छानबिन गर्नुपर्ने लगायत मागहरू राखिएको छ।