माेरङ- विराटनगरमा सवारी पार्किङको विषयलाई लिएर व्यवसायीहरूले केही समय बजार बन्द गराएका छन्।
सोमबार विराटनगर महानगरपालिका बजार क्षेत्रका व्यवसायीहरूले सटर बन्द गरी नो पार्किङ जोनको आवश्यकता नभएको जनाउँदै विरोध गरेका हुन्। बजार क्षेत्रका पसल व्यवसायीहरूले तत्काल नो पार्किङ जोनको अवधारणा ल्याउनपूर्व केही समय दिइनुपर्ने माग गरेका छन्।
शनि मन्दिर रोडस्थित शनि श्री जय इलेक्ट्रिक पसलका व्यवसायी उकेश अग्रवालले केही वर्षदेखि चल्दै आएको आर्थिक मन्दीका कारण व्यवसाय धराशायी हुँदै गएको र महानगरले नो पार्किङ जोनको अभियान राख्दा समस्या भएको बताए।
बजार बन्द गरेसँगै व्यवसायीहरूले महानगरका मेयर नागेश कोइरालासँग छलफल गरेका छन्। सो क्रममा महानगरले आउँदो दुई महिनाका लागि नो पार्किङ जोनको अभियानलाई साथ दिन आग्रह गरेको छ।
महानगरलाई व्यवस्थित बनाउनका लागि चालिएको सो कदममा साथ दिन आग्रह गर्दै मेयर कोइरालाले व्यवसायीहरूलाई देखिएका केही समस्या हल गर्न सहयोग गर्ने बताए। छलफलमा व्यवसायीहरूले राखेका केही मागलाई सम्बोधन हुने गरी आउँदो २ महिनासम्म महानगरको कार्यक्रमलाई अवरोध नपुर्याउने जनाएका छन्।
महानगरले विराटनगरलाई सफा, सुन्दर र व्यवस्थित बनाउने क्रममा बजार क्षेत्रको केही स्थानमा नो पार्किङ जोनको अभियान सुरु गरेको छ।
महानगरले शनि मन्दिर रोड, मुख्य बजार, गुद्री, जलजला रोड क्षेत्रमा सो अभियान अघि बढाएको हो। जसकारण ती क्षेत्रमा सवारी आवागमन, सवारी चाप कम भएको र पैदलयात्रीलाई समेत सहज हुँदै गएको छ। महानगरले हाल बजार क्षेत्रभित्र खाली रहेको जमिनलाई पार्किङस्थलका रूपमा अघि सारेको छ। सडक व्यवस्थित र सवारी चाप कम गर्नका लागि सर्वसाधारणले समेत पार्किङ क्षेत्र बनाउन जग्गा उपलब्ध गराएका छन्।
काठमाडौं – नेपालको अग्रणी फर्टिलिटी केन्द्र हार्दिक आईभिएफले ISO 9001:2015 प्रमाणपत्र प्राप्त गर्दै आफ्नो सेवा…
८ चैत — बिस्का (बिस्केट) जात्रा तथा नयाँ वर्ष २०८२ को अवसरमा भक्तपुरमा भव्य शुभकामना…
काठमाडौँ, टोकियो विश्वविद्यालयले सन् २०२७ को सेप्टेम्बरदेखि एक विशेष पाँच वर्षीय संयोजन स्नातक र स्नातकोत्तर…
बिर्तामोड — नेपाल प्रगतिशील प्राध्यापक संगठनको आसन्न ११औँ केन्द्रीय अधिवेशनका लागि झापा, बिर्तामोडका डा. सुमन…
काठमाडौं – राष्ट्रिय स्वतन्त्र पार्टी (रास्वपा) का सभापति रवि लामिछानेलाई उच्च अदालत तुलसीपुर, बुटवल इजलासको…
काठमाडौं – काठमाडौं महानगरपालिकाका मेयर बालेन्द्र साह (बालेन)सँग आन्तरिक र बाह्य शक्तिहरू असन्तुष्ट बन्दै गएका…