काठमाडौं। सामसङ ब्रान्डको टेलिभिजन नेपालमा उत्पादन सुरू भएको छ। उद्योग वाणिज्य तथा आपूर्तिमन्त्री रमेश रिजाल र नेपालका लागि कोरियारी राजदुतले संयुक्त रूपमा नवलपरासीमा उद्योग उद्घाटन गरेका छन्।
शेखर गोल्छाको गोल्छा ग्रुपले सामसङ कोरियासँगको सहकार्यमा नवलपरासीको रामग्राम नगरपालिका उद्योग स्थापना गरेको हो। उद्योग वाणिज्य तथा आपूर्तिमन्त्री रमेश रिजालले सामसङले गोल्छा ग्रुपसँगकाे सहकार्यमा सुरू गरेको टेलिभिजन उत्पादनले आगामी दिनमा अन्य उद्योगमा पनि लगानी आउन सक्ने बताए।
`कोरियाली लगानीकर्ता उद्योग स्थापना गर्न नेपालका कुनै नियम, कानुनले कठिनाइ गरेको छ भने त्यस्ता कानून संशोधन गर्न हामी तयार छौं,´ मन्त्री रिजालले भने,`उद्योगको विकास नभई अर्थतन्त्र सुधार हुन सक्दैन। त्यसैले हामी लगानीकर्तालाई सहयोग गर्ने नीति लिन प्रतिबद्ध छौं।´
नेपालका लागि कोरियाली राजदुत जोनसङ पार्कले नेपालमा संसारकै प्रसिद्ध इलेक्ट्रोनिक सामान उत्पादन गर्ने उद्योग स्थापना हुनु गर्वको विषय भएको बताए। अल्पविकसित राष्ट्रबाट स्तरोन्नति भईरहेको नेपालमा कोरियाली र गोल्छा ग्रुपको लगानीमा सामसङ टेलिभिजन उत्पादन हुनुले आगामी दिनमा नेपाल उत्पादन मुलुक देशको रूपमा विकास हुन सक्ने बताए।
नेपाल सरकारले औद्योगिक वातावरणमा सुधार गर्दै भए आगामी दिनमा नेपालमा उत्पादन मुलक क्षेत्रमा थप लगानी हुन सक्ने राजदुत पार्कले बताए। कार्यक्रममा रामग्राम नगरपालिकाका प्रमुख धनपत यादवले सहज तरिकाले उद्योग सञ्चालनका वातावरण बनाउने प्रतिबद्धता जनाए।
अर्थतन्त्रलाई बलियो बनाउन भ्यालु एडिसन गर्न आवश्यक रहेको भन्दै सामसङसँग सहकार्यमा उत्पादन मुलुक उद्योग स्थापना गरिएको गोल्छा ग्रुपका अध्यक्ष शेखर गोल्छाले बताए। `मेरो हजुर बुवाले राणाकालीन समयमा नेपालको पहिलो उद्योग स्थापना गर्नु भएको थियो,´ गोल्छाले उद्योग उद्घाटन कार्यक्रममा भने, `इलेक्ट्रोनिक सामान उत्पादन गर्ने यति ठूलो तहमा उद्योग स्थापना भएको पहिलो पटक हो।´
सामसङ र बजाज मोटरसाइकल एसेम्बलमा गरी हाल उद्योग परिसरमा करिब ४०० महिलाहरूले रोजगार पाएको गोल्छाले बताए। आगामी दुई वर्षभित्र १ हजारलाई रोजगार दिने गरी काम गर्ने बताए। कम्पनीले आगामीदिनमा वासिङमेसिनलगाएतका सामान उत्पादन गर्ने र नेपालमा मात्रै नभई दक्षिण एसियायी बजारमा पनि सामान बिक्री गर्ने गरी काम गर्ने योजना भएको गोल्छाले जानकारी दिए। सामसङका दक्षिण एसियाको प्रमुख जेबी पार्कले नेपालमा नयाँ टेलिभिजन उद्योग स्थापना गर्न पाउँदा खुसी लागेको बताए।
`नेपाललाई उत्पादनमुलक हब बनाउने यो राम्रो अवसर हो,´ पार्कले भने,`यो उद्योग स्थापनाले नेपाल र कोरियाली सरकारको सम्बन्ध थप बलियो बनाउन सहयोग गर्नेछ।´ गोल्छा ग्रुपले २२ अगस्त २०२२ मा उद्योग शिलान्यास गरेको थियाे। कम्पनीले ५ अप्रिलबाट परिक्षण उत्पादन सुरू गरेको थियो। ३२ देखि ८८ इन्चसम्मका सबै डिजाइनका टेलिभिजन उत्पादन गर्ने गरी उद्योग स्थापना गरिएको हिम इलेक्ट्रोनिक्सले जनाएको छ।
काठमाडौं, पाँचौ मिस्टर काठमाडौं शारीरिक सुगठनका विजेता प्रकाश राईको निधन भएको छ । गत शनिबारमात्र…
टोकियो । जापानमा नेपाली ब्यवसायीहरुको संस्था नेपाली ब्यवसायी संघ (NBA) जापानमाम दोस्रो अधिवेशनको तयारी अन्तिम…
लण्डन/ लण्डनको प्रतिष्ठित म्युजिक हलमा नेपाली गित र संगीतका बादसहा सबिन राई एण्ड फारोजको समर्पण…
तमुधीं जापानको आयोजनामा टोकियोमा बनभोज (BBQ) कार्यक्रम सम्पन्न टोकियो, जापानमा रहेका गुरुङ (तमु) हरु विच…
विज ग्लोबल (Wiz Globle ) विज एकेडमी (Wiz Academy) एवं योकोहामा वेलफेयर सिटी म्यानेजमेन्ट एसोसिएसन …