पाल्पा ८ भदाै । प्रथम रणउज्जेश्वरी भगवती भलिबल कप २०८० पाल्पामा सञ्चालन हुने भएको छ । प्रतियोगिता यहि भाद्र १८ गते देखि २१ गते सम्म तानसेनको टुँडिखेल खेलमैदानमा प्रतियोगिता सञ्चालन हुने भएको हो । तानसेनमा पत्रकार सम्मेलन गर्दै आयोजक श्रीनगर भलिबल क्लबले प्रतियोगिता आयोजना हुने जानकारी दिएको हो । क्लबले श्रीकृष्ण जन्माष्टमी तथा ऐतिहासिक भगवती जात्राको अवसरमा प्रतियोगिता आयोजना गर्ने जनाएको छ ।
पत्रकार सम्मेलनमा क्लबका अध्यक्ष कृष्ण आलेले ८ लाख ५० हजार बढीको अनुमानित खर्च विवरण प्रस्तुत गर्नुभयो । आलेले प्रतियोगितामा प्रथम हुनेले १ लाख ११ हजार १ सय ११, द्धितिय पुरस्कार ७७ हजार ७ सय ७७, तृतिय पुरस्कार ४४ हजार ४ सय ४४ र सान्त्वना हुनेले २२ हजार २ सय २२ रुपैंया प्राप्त गर्ने बताउनुभयो ।
जिल्ला खेलकुद विकास समिति पाल्पाका कार्यवाहक अध्यक्ष दिपक घिमिरेले प्रतियोगिता सम्पन्न गर्न समितिले सक्दो सहयोग गर्ने बताउनुभयो । घिमिरेले पाल्पालाई खेलकुद हब बनाउन विभिन्न प्रतियोगिता आयोजना हुने वातावरण तयार गर्न जिल्लाका सरोकारवालाहरु लाग्नुपर्ने बताउनुभयो । प्रतियोगितामा विभिन्न राष्ट्रिय खेलाडीहरु सहभागी हुने र विभिन्न विधामा उत्कृष्ट हुने खेलाडीलाई समेत पुरस्कृत गरिने समेत आयोजकले जनाएको छ ।
बिर्तामोड, झापा — स्वास्थ्यका लागि खेलकुद, लागूऔषधमुक्त समाज र लैङ्गिक समानता प्रवर्द्धन गर्ने उद्देश्यका साथ…
बिर्तामोड–३ स्थित मुसहर बस्तीकी ३५ वर्षीया दिलकुमारी ऋषिदेवको चट्याङ लागी मृत्यु भएको छ। बाख्रा लिन…
काठमाडौँ – राष्ट्रपति रामचन्द्र पौडेलले नवनियुक्त प्रधानमन्त्री सुशीला कार्कीको सिफारिसमा शुक्रबार मध्यरातमा प्रतिनिधिसभा विघटनको घोषणा…