वडास्तरीय फुटबलको उपाधि बिर्तामोड १० लाई

झापा। बिर्तामोडको डोमालाल राजवंशी रंगशालामा संचालित चौथो वडास्तरीय नकआउट फुटबल प्रतियोगिताको उपाधि वडा नं १० ले जितेको छ ।

बिर्तामोड–१० लाई उपाधि दिलाउन सौरभ लिम्बूले खेल सुरु भएको ५ औं मिनेट पहिलो गर्दै टिमलाई १–०को अग्रता दिलाएका थिए । निर्धारित ६० मिनेटको खेलको पहिलो हाफमा अन्य कुनै स्कोर हुन सकेन् । खेलको ३३ औं मिनेटमा पाल्देन गुरुङले थप एक गोल गर्दै बिर्तामोड–१० लाई २–० गोल को अग्रता दिलाए ।

आज भएको फाइनल खेलमा वडा नं ५ लाई २–१ गेल अन्तरले पराजित गरी वडा नं १० ले उपाधि जितेको हो ।

बिर्तामोड नगर खेलकुद विकास समितिको आयोजनामा भएको प्रतियोगिताको विजेताले नगद १ लाख र उपविजेताले ५० हजार रुपैयाँ र मेडल, ट्रफी तथा प्रमाण–पत्र प्राप्त गरेका छन् ।