सिइओ तिमिलाको वार्षिक तलब सुविधा ६० लाख २१ हजार

काठमाडौं । प्रिमियर इन्स्योरेन्स कम्पनीका प्रमुख कार्यकारी अधिकृत विश्वराम तिमिलाले वार्षिक तलब भत्ता तथा अन्य सुविधा बापत ६० लाख २१ हजार रुपैयाँ प्राप्त गरेका छन् । उनले गत आर्थिक वर्ष २०७७/७८ मा वार्षिक तलब र अलाउन्सेस बापत ५० लाख ९५ हजार रुपैयाँ बुझेका छन् । त्यस्तै उनले नियम अनुसार मुनाफाबाट ९ लाख १६ हजार रुपैयाँ बोनस प्राप्त गरेका छन् ।

उनि भन्दा अगाडीका प्रमुख कार्यकारी अधकृतले भने बोनश मात्रै २२ लाख १६ हजार रुपैयाँ प्राप्त गरेका थिए । त्यस्तै अघिल्लो आर्थिक वर्षमा कम्पनीले प्रमुख कार्यकारी अधिकृतलाई तलब मात्रै ४७ लाख ६१ हजार सहित जम्मा ६९ लाख ८९ हजार रुपैयाँ खर्चिएको थियो । तिमिला प्रिमियर इन्स्योरेन्स कम्पनीको प्रमुख कार्यकारी अधिकृतमा २०७६ पुसमा नियुक्त भएका थिए । अघिल्लो आर्थिक वर्षमा प्रमुख कार्यकारी अधिकृतका लागि खर्च भएको केहि रकम उनको भागमा पनि परेको छ।

गत आर्थिक वर्षमा सञ्चालक समितिका अध्यक्ष तथा सदश्यहरुले मिटङ भत्ता तथा अलाउन्सेस बापत ४७ लाख ७६ हजार रुपैयाँ प्राप्त गरेका थिए । त्यस्तै अन्य उपसमितिका संयोजक तथा सदश्यहरुले ७ लाख ४५ हजार रुपैयाँ बुझेका थिए ।

कम्पनीको उच्च व्यवस्थापन तहमा रहेका कर्मचारीहरुले भने यस वर्षमा एक करोड २४ लाख रुपैयाँ प्राप्त गरेका छन् । प्रिमियर इन्स्योरेन्स कम्पनीको कर्मचारीहरुलाई तलब बापत ६ करोड ५८ लाख रुपैयाँ खर्च भएको छ । त्यस्तै कर्मचारीहरुले तलब बापत अलाउन्सेस बापत ५ करोड ९४ लाख रुपैयाँ प्राप्त गरेका छन् । यस बाहेक कर्मचारीहरुले मुनाफाबाट ४ करोड ७२ लाख रुपैयाँ बोनस प्राप्त गरेका छन् ।

प्रिमियर इन्स्योरेन्स कम्पनीले माघ २१ गते २८ औ वार्षिक साधारणसभा आह्वान गरेको छ । साधारसभाले शेयरधनीहरुका लागि भने १४.२५ प्रतिशत बोनश शेयर र बोनश शेयरमा लाग्ने कर प्रयोजनका लागि ०.७५ प्रतिशत नगद लाभांशको प्रस्ताव पारित गर्दैछ । अर्थात शेयरधनीहरुले १५ करोड ३१ लाख २४ हजार ८०० रुपैयाँको बोनश शेयर प्राप्त गर्ने छन् ।