वीरगञ्ज – मधेस प्रदेशको एक मात्र महानगर वीरगञ्ज महानगरपालिकामा पाँच दलीय गठबन्धनबाट मेयर उमेदवार राजेशमान सिंह एमाले लोसपा गठबन्धनका उम्मेदवार विजयकुमार सरावगीभन्दा १५ हजार ३३६ मतले अगाडि छन्।
आइतबार बिहानसम्मको मतपरिणाम अनुसार मेयरमा जसपाका राजेशमान सिंहले ३२ हजार १५८ मत प्राप्त गरेका छन्। एमाले र लोसपा गठबन्धनका मेयर उम्मेदवार एमालेका विजय सरावगीले १६ हजार ८२२ मत प्राप्त गरेका छन्।
यस्तै, पाँच दलीय गठबन्धनकै उपमेयरमा नेपाली कांग्रेसका इम्तियाज आलमले २२ हजार १०५ मत ल्याएका छन्। एमाले लोसपा गठबन्धनबाट उपमेयरका उम्मेदवार लोसपाका पुरुषोतम झाले ५ हजार २६६ मत ल्याएका छन्।
यसैगरी, राप्रपाबाट मेयरका उम्मेदवार गिरिश गिरिले २ हजर ३५९ मत प्राप्त गरेका छन्। उपमेयरमा बिना जैसवालले ४ हजार १३४ मत प्राप्त गरेकी छन्। उपमेयरमा स्वतन्त्र उमेदवार रम्भा मिश्राले २ हजार ९९५ मत ल्याएकी छन्।
वीरगञ्ज महानगरमा सतारूढ पाँच दल कांग्रेस, नेकपा माओवादी केन्द्र, जनता समाजवादी पार्टी, नेकपा एकीकृत समाजवादी पार्टी र जनमोर्चाबीच गठबन्धन बनेको छ भने अर्कोतर्फ एमाले र लोसपाबीच अर्को गठबन्धन बनेको छ।
विर्तामोड, झापा — नव आदर्श टोल विकास संस्थाले सामाजिक उत्तरदायित्वका भावना सहित समाजसेवामूलक अभियान अन्तर्गत…
बिर्तामोड, झापा — स्वास्थ्यका लागि खेलकुद, लागूऔषधमुक्त समाज र लैङ्गिक समानता प्रवर्द्धन गर्ने उद्देश्यका साथ…
बिर्तामोड–३ स्थित मुसहर बस्तीकी ३५ वर्षीया दिलकुमारी ऋषिदेवको चट्याङ लागी मृत्यु भएको छ। बाख्रा लिन…