संख्या नपुग्दा प्रदेशसभा बैठक सुरू हुन सकेन

मकवानपुर: सांसदको गणपूरक संख्या नपुग्दा वाग्मती प्रदेशसभाको बैठक सुरु हुन सकेको छैन । दिउँसो १ बजेका लागि बोलाइएको बैठक गणपूरक संख्या नपुग्दा अझै सुरु भएको छैन ।

विवेकशील साझा संसदीय दलका नेता रमेश पौड्यालका अनुसार सांसदको गणपुरक संख्या नपुगेका कारण बैठक सुरु हुन अझै केही समय लाग्ने देखिएको हो ।
‘तोकिएकोभन्दा ३० मिनेट ढिलो भइसकेको छ । अहिलेसम्म २४ जना सांसदले मात्र मात्र उपस्थितिमा हस्ताक्षर गरेका छन् । जसको कारणले गर्दा बैठक सुरु हुन नसकेको हो ,’ उनले भने । प्रदेशसभा नियमावली अनुसार कूल सांसदको एकचौथाइ उपस्थित हुनु अनिवार्य रहन्छ ।

हालको अवस्थामा २८ जना सांसदले उपस्थितिमा हस्ताक्षर गरेपछि मात्र बैठक सुरु हुन्छ । ‘सांसदहरू गैरजिम्मेवार देखिए । जसको कारण प्रदेशसभाको बैठक सञ्चालन भएन ,’ उनले भने ।