काठमाडौँ: नेपाल स्टक एक्सचेन्ज (नेप्से) परिसूचक तेस्रो कारोबारको दिन मंगलबार १७ अंकले बढेको छ । साताको दोस्रो दिनको कारोबारमा नेप्से १७.४२ अंकले बढेको हो । पहिलो कारोबारको दिन आइतबार ३९ अंकले घटेको बजार सोमबार २५ अंकले बढेको थियो ।
मंगलबार २७१८.५१ अंकबाट सुरु भएको परिसूचक बिन्दु बजार बन्द हुने बेला २७३५.९३ अंकमा उक्लिएको छ। आजको कारोबारमा सेयर बजार परिसूचक ०.६४ प्रतिशतले बढेको छ । त्यस्तै ‘क’ वर्गका कम्पनीको सेयर मूल्य मापन गर्ने सेन्सेटीभ इन्डेक्स ४.३६ अंक अर्थात ०.८४ प्रतिशतले बढेर ५२३.१५ अंकमा उक्लिएको छ ।
मंगलबारको कारोबारमा २२८ कम्पनीको ३ अर्ब २१ करोड २८ लाख ८७ हजार ८ सय २२ रूपैयाँ बराबरको ६० लाख ८१ हजार ६ सय २ कित्ता सेयर ४८ हजार १ सय ९५ पटक खरिद बिक्री भएको छ । सोमबारको तुलनामा आज कारोबार रकम केही बढेको छ । सोमबार २ अर्ब ९९ करोड बराबरको सेयर खरिद बिक्री भएको थियो ।
बढ्दो बजारमा आज कारोबार भएका कम्पनीहरूमध्ये १ सय ३१ कम्पनीको सेयर मूल्य बढेको छ भने ५० कम्पनीको सेयर मूल्य घटेको छ ।
मंगलबार मैलुङ खोला जलविद्युत कम्पनी तथा युनाइटेड आइडिया मार्दी आरबी हाइड्रो पावरको सेयर मूल्यमा आज सर्किट ब्रेकर लागेको छ ।
आज कारोबार उच्च हुने अन्य कम्पनीहरूमा सामलिङ पावर कम्पनी, तेह्रथुम पावर कम्पनी, कर्पोरेट डेभलोमेन्ट बैंक, बरूण हाइड्रो पावर लगायतक कम्पनीहरू रहेका छन् ।
समूहगत परिसूचकतर्फ आज कारोबार भएका म्यानिफ्याक्चरिङ एण्ड प्रोडक्सन तथा इन्भेष्टमेन्ट बाहेक अन्य समूह परिसूचकहरू सेयर मूल्य बढेको छ ।
आज गुमाउने पाँच कम्पनीमा सिभिल लघुवित्त, नेपाल हाइड्रो डेभलोपर्स, मेगा म्युचल फण्ड, प्रिमियर लाइफ इन्सोरेन्स तथा समिट लघुवित्त रहेका छन् ।
विर्तामोड, झापा — नव आदर्श टोल विकास संस्थाले सामाजिक उत्तरदायित्वका भावना सहित समाजसेवामूलक अभियान अन्तर्गत…
बिर्तामोड, झापा — स्वास्थ्यका लागि खेलकुद, लागूऔषधमुक्त समाज र लैङ्गिक समानता प्रवर्द्धन गर्ने उद्देश्यका साथ…
बिर्तामोड–३ स्थित मुसहर बस्तीकी ३५ वर्षीया दिलकुमारी ऋषिदेवको चट्याङ लागी मृत्यु भएको छ। बाख्रा लिन…