युक्रेन संकट समाधानका लागि कूटनीतिक मार्गलाई प्राथमिकता दिन रुसी राष्ट्रपति भ्लादिमिर पुटिन सहमत भएको फ्रान्सले बताएको छ।
युक्रेनको पूर्वी क्षेत्रमा जारी द्वन्द्व समाधानका लागि शान्ति सम्झौता गर्न तथा युक्रेन संकट समाधानका लागि युद्धको साटो वार्तालाई प्राथमिकता दिन पुटिन सहमत भएको फ्रान्सेली अधिकारीले बताएका हुन्।
संकट समाधानको प्रयासस्वरुप फ्रान्सेली राष्ट्रपति इम्यानुएल म्याक्रोँले रुसी समकक्षी पुटिनसँग टेलिफोन वार्ता गरेका हुन्। त्यस क्रममा म्याक्रोँ र पुटिनबीच दुई देशका विदेशमन्त्रीबीच चाँडो वार्ताको वातावरण बनाउने सहमति भएको छ।
रुसले युक्रेनमाथि आक्रमणको तयारी गरेको पश्चिमा राष्ट्रले बताउँदै आएका छन्। तर रुसले भने आक्रमणको योजना नरहेको दाबी गर्दै आएको छ। यस्तै युक्रेनले पनि आजभोलिमै रुसले आक्रमण थाल्ने सम्भावना नरहेको बताएको छ।
फ्रान्सेली राष्ट्रपति म्याक्रोँले आइतबार पुटिनलाई टेलिफोन गरेर सम्भावित युद्ध टार्ने प्रयास गरेका हुन्। अमेरिकासहितका पश्चिमा राष्ट्रले अन्तिम समयसम्म संकट समाधानका लागि कूटनीतिक मार्ग अपनाउने बताउँदै आएका छन्।
रुसले युक्रेनसँगको सीमा क्षेत्रमा करिब एक लाख ९० हजार सैनिक तैनाथ गरेको छ। यस्तै पूर्वी युक्रेनमा रुसको साथ पाएका विद्रोहीको गतिविधि पछिल्ला दिनमा तीव्र बनेको छ। केही दिनयता विद्रोही र युक्रेनी सैनिकबीच भिडन्त भएका छन्।
यही परिवेशमा फ्रान्सेली राष्ट्रपति र रुसी राष्ट्रपतिबीच टेलिफोन वार्ता भएको हो। अमेरिकी राष्ट्रपति जो बाइडेनसँगको टेलिफोन वार्तापछि म्याक्रोँले आइतबार दोस्रोपटक रुसी राष्ट्रपति पुटिनसँग वार्ता गरेका थिए।
म्याक्रोँले बाइडेन र पुटिनबीचको वार्ताका लागि प्रस्ताव गरेको फ्रान्सेली राष्ट्रपति कार्यालयद्वारा जारी वक्तव्यमा उल्लेख छ। रुसले युक्रेनमाथि आक्रमण नगर्ने शर्तमा सो बैठकका लागि सहमति भएको जनाइएको छ।
बाइडेन र पुटिन सम्भावित वार्ताको विस्तृत विवरण वा तयारीबारे अमेरिकी विदेशमन्त्री एन्टोनी ब्लिंकन र रुसी विदेशमन्त्री सर्गेइ लाभरोभबीच बिहीबार वार्ता एवं छलफल हुने भएको छ।
आइतबार भएको म्याक्रोँसँगको पहिलो टेलिफोन वार्तामा पुटिनले तनाव बढ्नुमा युक्रेनी सैनिकको गतिविधि जिम्मेवार रहेको आरोप लगाएका थिए। तर दोस्रो टेलिफोन संवादको क्रममा पुटिन वार्ताका लागि तयार भएको जनाइएको छ।
बिर्तामोड, झापा — झापा गोल्डकपका पूर्वअध्यक्ष तथा बिर्तामोडका चर्चित युवा उद्यमी विनोद बस्नेत आफ्नै निवासमा…
बिर्तामोड- झापाको बिर्तामोडमा क्राइटेरियन एजुकेशन फाउण्डेशन सञ्चालनमा आएको छ । नयाँ वर्षको थालनीसँगै बिर्तामोडमा क्राइटेरियन…
काठमाडौँ — त्रिभुवन विश्वविद्यालयले जापानको युनिभर्सिटी अफ इन्फरमेटिक्स कोतो (केसीजीआई) सँगको सहकार्यमा प्रविधिमैत्री संगीतसम्बन्धी नयाँ…
काठमाडौँ – आमाको मुख हेर्ने पर्व : श्रद्धा, भक्ति र आशीर्वादको अनुपम अवसर हरेक वर्ष…
बिर्तामोड , २०८०, २२ जेष्ठ सोमबार बिर्ताबजार स्थित महेन्द्ररत्न माध्यमिक विद्यालय अगाडि विश्व वातावरण दिवसका…
झापा। मञ्जुश्री अशाहाय संरक्षण केन्द्र, झापा शाखाको नेतृत्वमा नयाँ ऊर्जा थपिँदै मञ्जु ओलीले अध्यक्ष पद…