रामेछाप समाज जापानको पुनर्गठन तथा नयाँ वर्ष शुभकामना कार्यक्रम हुँदै ।

जापान । सम्पूर्ण जापानवासी रामेछापेलीहरु एकजुट हौं भन्ने नारासहित रामेछाप समाज जापानको पुनर्गठन तथा नयाँ वर्ष २०७९ सालको शुभकामना आदान प्रदान कार्यक्रम हुने भएको छ ।

रामेछापबाट विभिन्न पेशा ,व्ववसाय ,अध्ययनको सिलसिलामा जापान आई बसेका रामेछापबासीहरुको २०७३ बैशाख अर्थात २०१६ मा भएको प्रथम भेलाले रामेछाप समाज जापानको गठन गरेको थियो । निकेश श्रेष्ठ संस्थापक अध्यक्ष र पर्शुराम बस्नेत संस्थापक महासचिव लगाएतको पहलमा गठन भएको रामेछाप समाज जापानले दोस्रो अधिवेशनबाट उत्तम श्रेष्ठलाई अध्यक्ष र शिक्षशान्ति वाईबालाई महासचिव चयन गरेको थियो ।

रामेछाप समाज जापानलाई निरन्तरता दिदै जापानमा रामेछापेलीहरु संगठित गर्दै लैजाने, एक अर्कालाई आईपर्ने समस्यामा सहयोगी बन्ने लगाएत जापानका संघ संस्थाहरुसंग सहकार्य गर्दै लैजाने भेलामा छलफल हुने जनाएको छ ।
कोरोना महामारी संगै विगत ३ बर्षअघि देखि निस्कृय रहेको रामेछाप समाज जापानको पुनर्गठन तथा नयाँ वर्ष २०७९ सालको शुभकामना आदान प्रदान कार्यक्रममा सहभागी हुन आयोजकले सबै जापानबासी रामेछापेलीलाई अनुरोध गरेको छ ।
रामेछाप समाज जापानको पुनर्गठन तथा नयाँ वर्षको शुभकामना आदान-प्रदान कार्यक्रम निम्न मिति समय र स्थानमा हुने भएकोले जापानवासी रामेछापेली दाजूभाई दिदीबहिनीलाई उपस्थितिको लागि सविनय अनुरोध गरिन्छ ।

तपशिल
मिति : २०२२-०४-२४ तारिख आईतबार
समय : १६:०० बजेबाट
स्थान : मादल रेष्टुरेण्ट कामता @Tokyo To Ota-ku Nishi kamata 7-29-5 new kamata building,6f 603
सम्पर्क नम्बर 080-6655-6877, 03-4361-3103
आयोजक
रामेछाप समाज जापान पुनर्गठन तयारी समिति