तपाई लामो लाइनमा बसिरहनु भएको छ तर तपाईको भोट अर्कै कुनै व्यक्तिले हालेर निस्केछ । अब तपाई भोट पाउनु हुन्छ कि हुन्न ? यो बिषयमा तपाईले जानकारी राख्न जरूरी छ ।
याे दृश्य देखेर निर्वाचन आयाेगले केही व्यवस्था गरेकाे छ । साे व्यवस्था अनुसार तपाईकाे परिचय प्रमाणित भएपछि भाेट त दिन पाउनु हुन्छ तर त्याे भाेट बक्समा हाल्न पाउनु हुन्न । त्याे भाेट छुट्टै खाममा हालेर सिलवन्दी गरिन्छ । तपाईकाे नाममा भाेट हाल्ने मानिसकाे मत पत्र कुन हाे भन्ने थाहा नभएकाेले यसरी छुट्टै खाममा हाल्नु परेकाे हाे ।यसरी खाममा हालेकाे मत पत्रलाइ ‘निविदा मतपत्र’ भन्ने गरिन्छ । स्थानीय तह निर्वाचन निर्देशिकाको दफा १५१ मा यसको व्यवस्था छ ।
याे निविदा मत पत्र मत गणनामा सामेल गरिदैन । तर निर्वाचन सम्बन्धी उजुरी परेमा र निर्णय गर्नको आवश्यक पर्ने भनी अदालतले ठहर गरेमा निविदा मतपत्रहरू समेत गणना गर्ने र त्यसका आधारमा मतगणनाको नतिजा सार्वजनिक गर्नुपर्ने व्यवस्था छ ।
यिनै घटनाहरू हुने भएकाले निर्वाचन आयाेगले समयमै भाेट खसाल्न सर्वसाधारणलाइ आग्रह गरेकाे छ ।
अहिले मतदाता परिचयपत्र, नागरिकता वा परिचय खुल्ने अन्य प्रमाणका आधारमा मतदान गर्ने सुविधा निर्वाचन आयोगले दिएको छ ।
विर्तामोड, झापा — नव आदर्श टोल विकास संस्थाले सामाजिक उत्तरदायित्वका भावना सहित समाजसेवामूलक अभियान अन्तर्गत…
बिर्तामोड, झापा — स्वास्थ्यका लागि खेलकुद, लागूऔषधमुक्त समाज र लैङ्गिक समानता प्रवर्द्धन गर्ने उद्देश्यका साथ…
बिर्तामोड–३ स्थित मुसहर बस्तीकी ३५ वर्षीया दिलकुमारी ऋषिदेवको चट्याङ लागी मृत्यु भएको छ। बाख्रा लिन…