लन्डन: क्रिस्टियानो रोनाल्डोले शनिबार एक अर्को गोलको कीर्तिमान बनाएका छन् । यससँगै इंग्लिस प्रिमियर लिगमा म्यानचेस्टर युनाइटेडले टोटनहमलाई ३–२ ले हराएको छ । यो जितले अर्को सिजन युरोपेली च्याम्पियन्स लिग खेल्न म्यानचेस्टरको सपना पनि जीवन्त भएको छ । रोनाल्डोले पछिल्ला १० खेलमा गोल गरेका थिएनन् ।
तर उनले टोटनहमविरुद्ध तीन सुन्दर गोल गरे र फिफाको अभिलेख अनुसार क्लब तथा देशका लागि रोनाल्डाको गोल संख्या ८ सय ७ पुगेको छ । यो अन्तर्राष्ट्रिय फुटबलमा पुरुष खेलाडीका लागि यो सर्वाधिक बढी गोल हो । यो जितपछि म्यानचेस्टरको २९ खेलबाट ५० अंक भएको छ ।
लिगका आठ खेलमा पाँचौं हारपछि टोटनहमको आफ्नै अर्को सिजन च्याम्पियन्स लिग खेल्ने सपना कमजोर भएको छ । टोटनहम यो नतिजापछि २७ खेलबाट ४५ अंकमा सातौं स्थानमा रहेको छ । लिगको शनिबारका अन्य खेलमा लिभरपुलले ब्राइटनलाई २–० ले हरायो । यस्तै ब्रेन्टफोर्ड बर्नलीमाथि २–० ले नै विजयी रह्यो ।
विर्तामोड, झापा — नव आदर्श टोल विकास संस्थाले सामाजिक उत्तरदायित्वका भावना सहित समाजसेवामूलक अभियान अन्तर्गत…
बिर्तामोड, झापा — स्वास्थ्यका लागि खेलकुद, लागूऔषधमुक्त समाज र लैङ्गिक समानता प्रवर्द्धन गर्ने उद्देश्यका साथ…
बिर्तामोड–३ स्थित मुसहर बस्तीकी ३५ वर्षीया दिलकुमारी ऋषिदेवको चट्याङ लागी मृत्यु भएको छ। बाख्रा लिन…