ऋषि धमला दिएको स्पष्टीकरण चित्त बुझ्दो भएन , काउन्सिलले बयानको लागि बोलायो

काठमाडौँ: प्रेस काउन्सिल नेपालले पत्रकार ऋषि धमलालाई बयानको लागि बोलाएको छ । धमलाले यसअघि बुझाएको स्पष्टीकरण चित्त बुझ्दो नभएपछि उनलाई बयानका लागि बोलाएको काउन्सिलका अध्यक्ष बालकृष्ण बस्नेतले जानकारी दिए । उनका अनुसार सोमबार १२ बजे बयानका लागि बोलाइएको हो ।

चैत २० गते प्रधानमन्त्री शेरबहादुर देउवा भारतबाट फर्किने क्रममा जहाजको संवेदशील ठाउँमा पुगेको भन्दै काउन्सिलले यसअघि धमलालाई स्पष्टीकरण सोधेको थियो। धमलाले स्पष्टीकरणमा आफूले गल्ती गरेको भए आत्मालोचना गर्न तयार रहेको बताएका थिए । धमलाले ‘जनतालाई छिटो समाचार दिँदा गल्ती भएको’ स्पष्टीकरणमा उल्लेख गरेका छन् ।