मोटरसाइकलको ठक्करबाट परराष्ट्र मन्त्रालयकी अधिकृत पूर्व संचारकर्मी एवं इस्ट हराइजन मावि धुलाबारीकी भुतपूर्व विद्यार्थी आस्था सुब्बाको सवारी दुर्घटनामा मृत्यु भएको छ ।
सिंहदरबार पूर्वी गेटनजिकै बाटो काट्दै गरेकी सुब्बालाई मोटरसाइकलले बिहीबार अपराह्न ठक्कर दिँदा घाइते भएकी थिइन् । उनलाई तत्कालै उपचारका लागि मोडल अस्पताल लगिएको थियो । कार्यालय समय सकेर फर्किँदै गर्दा दुर्घटना भएको हो । अस्पताल पुर्याएलगत्तै चिकित्सकले उनलाई मृत घोषित गरेका थिए ।
सुब्बाको पति र नाबालक छोरा छन् । ‘हामीले एक कुशल अधिकृतलाई गुमायौं । निकै दुःख लागेको छ,’ परराष्ट्रका एक उच्च अधिकारीले भने ।
पूर्वपरराष्ट्र सचिव मदनकुमार भट्टराईले एक प्रतिभाशाली अधिृकत गुमाउनुपरेकोमा दुःख व्यक्त गरेका छन् ।
उनी विगतमा कंचनजंघा एफएमकी कार्यक्रम संचालिका रहेकी थिइन् । उनले धुलाबारी माविमा कक्षा ९ र १० अध्ययन गरेकी थिइन् ।अध्यापन गर्दा अत्यन्तै मेधावी विद्यार्थी सुब्बाको दुर्घटनामा निधन भएको समाचारले अत्यन्तै विह्वल र स्तब्ध बनाएको विद्यालय परिवारले जनाएको छ । उनी सोही धुलाबारी माविकी पूर्व शिक्षक हरिमाया सुब्बाकी जेठी छोरी हुन् ।
बिर्तामोड, झापा — स्वास्थ्यका लागि खेलकुद, लागूऔषधमुक्त समाज र लैङ्गिक समानता प्रवर्द्धन गर्ने उद्देश्यका साथ…
बिर्तामोड–३ स्थित मुसहर बस्तीकी ३५ वर्षीया दिलकुमारी ऋषिदेवको चट्याङ लागी मृत्यु भएको छ। बाख्रा लिन…
काठमाडौँ – राष्ट्रपति रामचन्द्र पौडेलले नवनियुक्त प्रधानमन्त्री सुशीला कार्कीको सिफारिसमा शुक्रबार मध्यरातमा प्रतिनिधिसभा विघटनको घोषणा…