भगवती जात्राको अवसरमा आज पाल्पा जिल्लाभरी सार्वजनिक बिदा

पाल्पा, १५ भदौ । नेपाल-अंग्रेज युद्धको सम्झना स्वरूप पाल्पाको तानसेनमा हरेक वर्ष भाद्र कृष्ण नवमीका दिन मनाइने भगवतीजात्राको अवसरमा आज पाल्पा जिल्लाभरी सार्वजनिक बिदा दिइएको छ । लुम्बिनी प्रदेश सरकारले राजपत्र प्रकासन गरि यस बर्षबाट भगवती जात्राको दिनमा जिल्लाभर सार्बजनिक बिदा दिएको हो ।

सम्बन्धित समाचार ……………
रथयात्राको पुर्बसन्ध्यामा सिंगारिएकी भगवती मन्दिर
भगवती रथयात्रा औपचारिकतामा सिमित हुँदै, यस बर्ष बजार परिक्रमा नहुने

कोरोना महामारीका कारण पहिलेजस्तो धुमधामसँग जात्रा मनाउने तयारी छैन। परम्परा धान्नका लागि मन्दिरभित्रै मात्र पूजा गरिने तयारी गरिएकाे छ भने भीडभाड हुने भएकाले सर्वसाधारणलाइ पूजा गर्न स्वीकृत छैन ।

श्री ७ रणउज्जेश्वरी भगवतीको मूर्ति रथमा राखेर तानसेन बजार परिक्रमा गरि सिन्दुरयात्रा गर्ने चलन छ। यसैलाई भगवतीको रथयात्रा भनिने गरेका छ। जात्राको महत्त्व सन् १८७१/७२ को नेपाल अंग्रेज युद्ध गाँसिएको छ। यस बर्षको भगवती रथयात्रा २०३ औं हो । माता भगवतीले हामी सबैलाई सदा कल्याण गरून् । जय भगवती माता ।