थप २ हजार ५ सय २५ जनामा कोरोना भाइरस संक्रमण

पछिल्लो २४ घण्टामा नेपालमा २ हजार ५ सय २५ जनामा कोरोना भाइरस संक्रमण भएको छ । स्वास्थ्य तथा जनसंख्या मन्त्रालयका अनुसार देशभरका विभिन्‍न प्रयोगशालामा गरिएको ९ हजार ९ सय ९ जनाको पीसीआर परीक्षणमा २ हजार २० र ४ हजार ९ सय १ जनाको एन्टिजेन विधिबाट गरिएको परीक्षणमा ५ सय ५ जनामा कोरोना पुष्टि भएको छ । सोही अवधिमा मुलुकका विभिन्न अस्पतालबाट २ हजार ८६ जना कोरोना संक्रमणमुक्त भएका छन् । याे अवधिमा थप ३५ जना कोरोना संक्रमितको मृत्यु भएको छ।