सुडानका प्रधानमन्त्री अब्दल्ला पुनः शक्तिमा आए, सैन्य कू भएयता ३८ को मृत्यु

एजेन्सी ।सुडानका प्रधानमन्त्री अब्दल्ला हाम्दोक पुनः शक्तिमा आएका छन् । सेनासँग भएको शक्ति बाँडफाँड सम्बन्धी सहमतिपछि प्रधानमन्त्री अब्दल्ला पुनः सत्तामा आएका हुन् ।

सैनिक जनरल अब्देल फातह अल–बुर्हान र प्रधानमन्त्री अब्दल्लाविच शक्ति बाँडफाँड सम्बन्धी सम्झौता भएको हो । एक महिनाअघि सेनाले कू गरेपछि अब्दल्ला सत्ताबाट हटाइएका थिए ।

नागरिक गठबन्धनले दुई वर्ष पहिले प्रधानमन्त्रीका रुपमा चयन गरेका हाम्दोकले शक्ति बाँडफाँड सम्बन्धी कुनै पनि नयाँ सम्झौता औपचारिक रुपमा स्वीकार भने गरेका छैनन् ।सैन्य कू भएयता अहिलेसम्म सुडानमा प्रदर्शनको क्रममा ३८ जनाको मृत्यु भइसकेको छ ।