तस्बिर गुगलबाट साभार गरिएको
वैशाख ४, पाल्पा ।
यात्री टिकट बुकिङ काउन्टर टंकी निर्माणमा पश्चिम नेपाल बस व्यवसायी प्रा.लिले अवरोध गरेको छ । लुम्विनी बस टर्मिनल बुटवलमा श्रीनगर यातायात सेवा कम्पनी प्रा.लि.ले टिकट काउन्टर निर्माणको क्रममा अवरोध गरेको हो । वुटवल उपमहानगरपालिकाको निर्णय तथा अनुमति वमोजिम श्रीनगर यातायात सेवा कम्पनी प्रा.लि. ले टिकट काउन्टर निर्माण गरी तोकिएको स्थानमा राख्न ल्याउने क्रममा गाडीमा रहेको सामान ओराल्न नदिई पश्चिम नेपाल बस व्यवसायी प्रा.लि. का पदाधिकारी तथा कर्मचारीहरुले गरेको अवरोध प्रति श्रीनगर यातायात सेवा कम्पनी प्रा.लि. को गम्भिर ध्यानाकर्षण भएको छ जनाएको छ । “नगरसरकारले दिएको अनुमति प्रति पश्चिम नेपाल बस व्यवसायी प्रा.लि.ले गैरकानुनी रुपमा हुलहुज्जत गरी सार्वजनिक यातायात सञ्चालन व्यवस्थापनमा एकाधिकार लाद्न खोज्नु र काउन्टर टंकी निर्माणमा अवरोध गर्नु सार्वजनिक यातायात सञ्चालनमा निषेध गर्नु हो” कम्पनीका सञ्चालक जगत बहादुर बरालद्वारा जारी बिज्ञप्तिमा उल्लेख छ ।
वुटवल उपमहानगरपालिकाको स्वामित्वमा रहेको लुम्विनी बस टर्मिनलमा नगरपालिकाको मिति २०७७/११/०७ गते वैठकको निर्णय तथा मिति २०७७/११/०९ गते च.नं. ३७४७ को पत्रानुसार यस कम्पनीलाई हाल तम्घास टिकट काउन्टरको पुर्वतर्फ सटाई काउन्टर राख्न दिने र दुवै प्रा.लि. ले संयुक्त रुपमा ६ नम्वर ट्रयाक (लेन) प्रयोग गर्ने गरी उपमहानगरपालिकावाट अनुमति प्राप्त भएको श्रीनगर यातायातले जनाएको छ । “उपमहानगरपालिकाको निर्णयलाई कार्यान्वयन नगरी काउन्टर टंकी निर्माणको क्रममानै अवरोध गर्नु गैरकानुनी कार्य हो । सार्वजनिक यातायात सञ्चालनलाई अवरोध गर्न खोज्नु यसक्षेत्र वाट सञ्चालन हुने साना व्यवसायीमाथीको वलमिच्याई हो । यस्ता अवान्छित एवं अतिक्रमणकारी क्रियाकलापले भविश्यमा सार्वजनिक यातायात व्यवसाय सञ्चालनमा द्धन्द्ध निम्त्याउने अवस्था देखिएको छ ।” बिज्ञप्तिमा भनिएको छ । यस क्षेत्रको मुख्य व्यापारीक क्षेत्र तथा हालको प्रशासनिक केन्द्र समेत रहेको वुटवलको लुम्विनी बस टर्मिनलमा यस कम्पनीको काउन्टर स्थापना गरी व्यवस्थित रुपमा यातायात व्यवसाय सञ्चालनमा अवरोध नगर्न र संवेदनशील हुन पश्चिम नेपाल बस व्यवसायी प्रा.लि. लाई आग्रह गरेको छ ।
नगरसरकारले दिएको अनुमती अनुसार काउन्टर टंकी निर्माणमा अवरोध गरिनुहुदैन । यात्रीले प्रतिस्पर्धात्मक रुपमा ब्यवस्थित यातायात प्रयोगगर्न पाउनुपर्छ ।
बिर्तामोड, झापा — स्वास्थ्यका लागि खेलकुद, लागूऔषधमुक्त समाज र लैङ्गिक समानता प्रवर्द्धन गर्ने उद्देश्यका साथ…
बिर्तामोड–३ स्थित मुसहर बस्तीकी ३५ वर्षीया दिलकुमारी ऋषिदेवको चट्याङ लागी मृत्यु भएको छ। बाख्रा लिन…
काठमाडौँ – राष्ट्रपति रामचन्द्र पौडेलले नवनियुक्त प्रधानमन्त्री सुशीला कार्कीको सिफारिसमा शुक्रबार मध्यरातमा प्रतिनिधिसभा विघटनको घोषणा…