भरुवा बन्दुक सहित एक पक्राउ

पाल्पा, २९ फागुन । अबैध रुपमा राखिएको भरुवा बन्दुक सहित एकजना पक्राउ परेका छन । जिल्लाको बगनासकाली गाउँपालिका ४, महछाँपका २१ वर्षीय प्रेमबहादुर कनौजेले घरमा राखेको १ नाले भरुवा बन्दुक सहित उनलाई नियन्त्रणमा लिईएको जिल्ला प्रहरी कार्यालय पाल्पाले जनाएको छ । कनौजेले लुकाईछिपाई राखेको अबैध भरुवा बन्दुक बरामद गरिएको जिल्ला प्रहरी कार्यालय पाल्पाका सूचना अधिकारी रामेश्वर त्वातीले बताउनुभयो । अबैध रुपमा भरुवा बन्दुक राखेको आरोपमा कनौजेलाई नियन्त्रणमा लिएर अनुसन्धान कार्य अगाडि बढाएको प्रहरीले जनाएकाे छ ।
पाल्पामा घरेलु हतियार बाट छिट्फुट दुर्घटना भैरहेको छ । यसको नियन्त्रण हुन आवस्यक छ।