काठमाडौं, पुस १६ । प्रधानमन्त्री कप राष्ट्रिय महिला क्रिकेट प्रतियोगितामा गण्डकी प्रदेशले प्रदेश १ संग लज्जास्पद हार ब्यहोरेको छ ।बिहीबार भएको समूह चरणको अन्तिम खेलमा प्रदेश नम्बर १ ले गण्डकी प्रदेशलाई १४० रनले पराजित गरेको हो ।
१ सय ४८ रनको लक्ष्य पछ्याएको गण्डकी ८ ओभरमा ७ रन जोड्दा अलआउट भयो । गण्डकीका ९ खेलाडीले खाता खाेल्न सकेनन् । गण्डकीका कुसुम गोदार र सोनिया थापाले मात्र समान २/२ रन बनाए । ३ रन अतिरिक्त पाएको थियो ।
गण्डकीलाई सस्तैमा आउट गर्न प्रदेश १ कि संगीता राईले ५, सबनम राईले ४ र अप्सरी बेगमले १ विकेट लिए ।लमही क्रिकेट मैदानमा पहिले ब्याटिङ गरेको प्रदेश १ ले निर्धारित २० ओभरमा १ विकेट गुमाएर १ सय ४७ रन बनाएकाे थियाे ।
ओपनर काजल श्रेष्ठ र रोमा थापाले अर्धशतकीय इनिङ्स खेले । कप्तान रुबिना क्षेत्रीले १५ रन बनाइन् । ओपनर काजलले नटआउट ५२ र राेमाले नटआउट ५१ रन बनाइन् ।
गण्डकीकी कुसुम गोदारले १ विकेट लिइन् । जितपछि प्रदेश १ समूह बी काे विजेताको रुपमा सेमिफाइनल प्रवेश गरेकाे छ ।फाइनल प्रवेशका लागि अब समूह बीको विजेता प्रदेश १ ले लुम्बिनी प्रदेशसँग र सुदूरपश्चिम प्रदेशले समूह एको विजेता एपीएफसंग खेल्नेछ ।
विर्तामोड, झापा — नव आदर्श टोल विकास संस्थाले सामाजिक उत्तरदायित्वका भावना सहित समाजसेवामूलक अभियान अन्तर्गत…
बिर्तामोड, झापा — स्वास्थ्यका लागि खेलकुद, लागूऔषधमुक्त समाज र लैङ्गिक समानता प्रवर्द्धन गर्ने उद्देश्यका साथ…
बिर्तामोड–३ स्थित मुसहर बस्तीकी ३५ वर्षीया दिलकुमारी ऋषिदेवको चट्याङ लागी मृत्यु भएको छ। बाख्रा लिन…