कोरोना भाइरस नेपाल: गत २४ घण्टामा थपिए ७४२ नयाँ बिरामी, ७ जनाको मृत्यु

नेपालमा गत २४ घण्टामा ७४२ जना नयाँ कोरोनाभाइरस सङ्क्रमित थपिएका छन्।

स्वास्थ्य तथा जनसङ्ख्या मन्त्रालयले दिएको जानकारी अनुसार उक्त अवधिमा कोभिड–१९ बाट ७ जनाको मृत्यु भएको छ।

गत २४ घण्टामा ६,३५१ जनाको पीसीआर परीक्षण गरिएको थियो।

सङ्क्रमितमध्ये महिला २९४ र पुरुष ४४८ जना रहेको स्वास्थ्य मन्त्रालयको तथ्याङ्कले देखाएको छ।

यो सँगै कोभिडबाट हालसम्म नेपालमा मृत्यु हुनेको सङ्ख्या १,७९५ पुगेको छ।

• कोरोनाभाइरसको नयाँ प्रकार कति चिन्ताको विषय
• भिटामिन ‘डी‘ले कोभिडबाट जोगाउँछ कि जोगाउँदैन?

सबैभन्दा बढी सङ्क्रमित वाग्मती प्रदेशमा ४,८३१ जना छन् भने लुम्बिनी, गण्डकी र सुदूरपश्चिम हरेक प्रदेशमा एक एक हजारकोहाराहारीमा बिरामी छन्।

अरू तथ्याङ्क के छ?

हालसम्म नेपालमा १८,७७,१८१ जनाको पीसीआर परीक्षण गरिएको छ।

तीमध्ये २,५४,५१४ जना कोरोनाभाइरस पोजिटिभ भएका छन्।

उक्त अवधिमा २,४४,७४३ जना कोरोनाभाइरस सङ्क्रमणबाट निको भएका छन्।

अहिले देशभरमा सक्रिय सङ्क्रमितको सङ्ख्या ७,९७६ छ।

त्यो मध्ये काठमाण्डू उपत्यकामा मात्र ४,३२० जना सङ्क्रमित रहेका छन्। त्यो भनेको देशका कुल सङ्क्रमितमध्ये ५४ प्रतिशत काठमाण्डूउपत्यकामा मात्र रहेका छन्।

काठमाण्डूमा सक्रिय सङ्क्रमित ३,४४८, भक्तपुरमा २४४ र ललितपुरमा ६२८ सक्रिय सङ्क्रमित रहेका छन्।