९ स्थानीय तहमा संक्रमण, तानसेन नगरपालिका हालसम्म सुरक्षित

किरण कौशल, पाल्पा । पाल्पामा थप ५ जनामा कोरोना संक्रमण देखिएको छ । यो संगै जिल्लामा संक्रमणको संख्या ५६ पुगेको छ । विहिबार रिब्दीकोट गाउँपालिकाका चार जना र तिनाउ गाउँपालिकाका एक जनामा कोराना पुष्टी भएको हो । रिब्दिकोट र तिनाउ गाउँपालिकामा कोरोना पुष्टि भएसंगै पाल्पाका १० मध्य ९ स्थानीय तहमा संक्रमण देखिएको छ । हालसम्म तानसेन नगरपालिका संक्रमण देखिएको छैन ।

प्रदेश जनस्वास्थ्य प्रयोगशाला भैरहवामा गरिएको परिक्षणम २३ वर्षदेखि ५५ वर्ष उमेर समूहका पुरुष रहेका छन् । रिब्दीकोट गाउँपालिकाका ४ जना संक्रमित जेठ १५ गते भारतबाट आएका थिए । सारदा मावि शान्तिचौर क्वारेन्टाइनका एक, नवज्योती प्रावि इजरडाँडा क्वारेन्टाइनका २ जना र कालिका निमावि बतासे क्वारेन्टाइनका एक जना रहेको स्वास्थ्य कार्यालयका निमित्त प्रमुख विश्वनाथ न्यौपानेले बताए । उनीहरुलाई लुम्विनी मेडिकल कलेज प्रभासको आइसुलेशन सेन्टर ल्याइने छ । तिनाउ गाउँपालिका चौबिसमाईलको कल्याणी आधारभूत विद्यालयको क्वारेन्टाइनका १५ दिन अघि भारतबाट आएर एक पुरुष संक्रमित भएका हुन् । उनलाई तानसेन नर्सिङ्ग स्कूलको आइसोलेशन सेन्टरमा पठाइएको गाउँपालिकाका अध्यक्ष ओम बहादुर घर्तीले बताए । बुधबार लुम्बिनी मेडिकल कलेजमा उपचाररत अर्घाखाँचीका एक महिलामा कोरोना संक्रमण देखिएको थियो । यसअघि रम्भा गाउँपालिकामा १६, बगनासकाली गाउँपालिकामा एक, माथागढी गाउँपालिकामा १४, रैनादेवी छहरा गाउँपालिकामा २, निस्दी गाउँपालिकामा ३, रामपुर नगरपालिकामा २ र पुर्वखोला गाउँपालिका २ जनामा कोरोना संक्रमण एक जनाको उपचारको क्रममा मत्यु भएको थियो । संक्रमितहरु सबैको स्वास्थ्य अवस्था सामान्य रहेको छ ।

पाल्पाका दश स्थानीय तह मध्ये तानसेन नगरपालिकामा हालसम्म कोरोना संक्रमण देखिएको छैन । संक्रमण नदेखिएको भएपनी जोखिम भने उच्च रहेको छ । बजारमा भिडभाड बढेको छ । विभिन्न बहानामा सवारीसाधनको भिड पनि बढेको छ । सार्वजनिक सवारीसाधन बन्द हुँदा निजिसवारी साधन भिडभाड देखिन्छन् जसका कारण जोखिम बढेको छ ।

bhabindra gautam

Recent Posts

बिर्तामोड रन प्रतियोगिता–२०८२ : विजेताहरू सम्मानित

बिर्तामोड, झापा — स्वास्थ्यका लागि खेलकुद, लागूऔषधमुक्त समाज र लैङ्गिक समानता प्रवर्द्धन गर्ने उद्देश्यका साथ…

56 years ago

बिर्तामोड–३ मा चट्याङ लागेर महिलाको मृत्यु, स्थानीयको सहयोगमा परिवारलाई राहत सामग्री हस्तान्तरण

बिर्तामोड–३ स्थित मुसहर बस्तीकी ३५ वर्षीया दिलकुमारी ऋषिदेवको चट्याङ लागी मृत्यु भएको छ। बाख्रा लिन…

56 years ago

मध्यरातमै प्रतिनिधिसभा विघटन, फागुन २१ मा आमनिर्वाचन घोषणा

काठमाडौँ – राष्ट्रपति रामचन्द्र पौडेलले नवनियुक्त प्रधानमन्त्री सुशीला कार्कीको सिफारिसमा शुक्रबार मध्यरातमा प्रतिनिधिसभा विघटनको घोषणा…

56 years ago