किरण कौशल पाल्पा, २३ चैत्र
पाल्पाका स्थानीय सरकारहरुले लकडाउनले चुल्लो बाल्न धौ भएका विपन्न परिवारको लागत संकलन गरेर राहत विवरण थालेका छन् । जिल्लाका १० वटै स्थानीय सरकारहरुले वडा स्तरबाट विपन्न परिवारको लागत संकलन गरेर वडाबाटै चामल, दाल, तेल सहितका खाद्यान्न विवरण गरेका हुन् । कतिपय वितरण गरेर सकेका छन् भने कतिपय स्थानीय तहहरुले लागत संकलन गरिरहेका छन् । रम्भा गाउँपालिकाले ४ सय ८१ घरपरिवारलाई खाद्यान्न वितरण गरेको छ । गाउँपालिकाले घरपरिवारका सदस्यहरु अनुसार चामल, दाल, तेल, चिउरा र नुन विवरण गरेका छ ।
परिवारका एक सदस्यलाई न्यूनतम सात किलो चालम दिइएको छ । तानसेन नगरपालिकाले नगर भित्रका विपन्न परिवारसंगै बाहिरी जिल्लाका विभिन्न योजनामा ज्याला मजदुरी गदै आएका १२ सय ७० घर परिवारलाई खाद्यान्न वितरण गरेको छ । नगरपालिकाले चार जना सम्मको परिवारलाई १५ किलो चामल, डेढ किलो दाल सहित तेल, नून र चिनी एक किलोको दरले वितरण गरिएको छ । नुहाउने र भाँडामाझ्ने गरी ४ वटा साबुन विवरण गरेको छ । ४ जना भन्दा बढी सदस्य भएका परिवारलाई सबै सामग्री दोब्बर वडा स्तरबाटै विवरण गरिएको नगरपालिकाका नगर प्रमुख ओशक कुमार शाहीले बताउनु भयो । दैनिक ज्याला मजुदरी गरेर जिविका चलाएका परिवारहरुलाई लकडाउनले घरबाहिर काम गरी बिहान बेलुका खानाको जोह गर्न अप्ठारो परेकाले स्थानीय सरकारहरुले खाद्यान्न वितरण गरेका हुन् ।
विपन्न परिवारहरुले खाद्यान्नसंगै सरसफाइ नुहाउने लुगा धुने र भाँडा माझ्ने साबुन समेत पाएकाले घरमै बसेर पनि दैनिकी कटाउन सहयोग पुगेको खाद्यान्न लिन आएकाहरुको भनाइ छ । रिब्दीकोट गाउँपालिकाले पहिलो चरणमा ज्यालादारी गरी जिवनयापन गरेका अति विपन्न २ सय ८ परिवारलाई खाद्यान्न वितरण गरेको छ । २० किलो चामल, २ किलो दाल, तेल र नून एकको दरले विवरण गरेको छ । रैनादेवी छहरा गाउँपालिकाले अति विपन्न, अपाङ्ग र एक महिला भएका ३ सय परिवारलाई खाद्यान्न विवरण गरेको छ । प्रति परिवार ३० केजी चामल, दुई केजी दाल, तेल र नून एक किलोको दरले विवरण गरेको छ । वगनासकाली गाउँपालिकाले अति विपन्न, ज्यालामजदुरी गर्ने ३ सय ८० घरपरिवारलाई वडा समितिको सिफारिसको आधारमा खाद्यन्न विवरण गरिएको छ । ३० किलो चामल, दुई किलो दल र एक एक किलो तेल र नून चैत्र २१ देखि २३ भित्रै विवरण गरेको गाउँपालिकाका कार्यकारी अधिकृत सुन्दर श्रेष्ठले बताउनु भयो ।
तिनाउ गाउँपालिकाले ६ वडाहरुमा करिब ५० परिवारका दरले ३ सय भन्दा बढीलाई खाद्यान्न विवरण गरेको छ । ४ जना सम्मको परिवारलाई १० किलो र चार भन्दा माथिका परिवारलाई १५ किलो चामल र सोही अनुपातमा दाल, तेल र नून वितरण गरिएको छ । रामपुर नगरपालिकाले एक हजार ६६ परिवारलाई खाद्यन्न तिन वर्गमा विभाजन गरेर विवतरण गरेको छ । एक जना, दुई देखि चार जना र चार भन्दा माथी परिवारको आधारमा क्रमश ५, २० र २५ किलो चामल सहित दाल, तेल, नून र चना सहित साबुनहरु त्यही अनुपातमा विवरण गरिएको छ । माथागढी गाउँपालिकाले झण्डै ६ सय परिवारलाई खाद्यान्न वितरण गर्ने तयारी गरेको छ । गाउँपालिकाले २५ किलो चामल सहित तेल, दाल र नून दुई किलोको दरले वितरण गर्ने तयारी गरेको गाउँपालिका अध्यक्ष सन्तोष थापाले बताउनु भयो । पूर्वाखोला गाउँपालिकाले वडा स्तरमा तथ्याङ्क संकलन गरिरहेको जनाएको छ ।
