प्रधानमन्त्री ओली रिपोर्ट निगेटिभ, तीन सल्लाहकारसहित स्वकिय सचिव संक्रमित

काठमाडौँ,असोज १७  । प्रधानमन्त्री केपी शर्मा ओलीको कोरोना भाइरसको परीक्षण रिपोर्ट नेगेटिभ आएको छ ।

बालुवाटार स्रोतका अनुसार प्रधानमन्त्री ओलीको बुधबार गरिएको स्व़ाब संकलनको रिपोर्ट विहिबार निगेटिभ आएको हो । त्यसपछि भने प्रधानमन्त्रीको स्वाब संकलन नगरिएको बताइएको छ । प्रधानमन्त्रीका स्वकिय सचिव इन्द्र भण्डारी, प्रेस सल्लाहकार सूर्य थापा, राजनीतिक सल्लाहकार विष्णु रिमाल, परराष्ट्र सल्लाहकार राजन भट्टराईलगायतको पिसिआर रिपोर्ट पोजेटिभ आएको छ ।त्यस्तै बालुवाटारको सुरक्षामा खटिएका १५ जनाभन्दा बढी सुरक्षाकर्मीलाई पनि कोरोना पोजेटिभ देखिएको बताइएको छ ।