विश्वराज पोखरेल एआईजीमा बढुवा सिफारिस

काठमाडौ। नेपील प्रहरीका नायव महानिरीक्षक (डीआईजी) विश्वराज पोखरेल अतिरिक्त महानिरीक्षक (एआईजी) मा बढुवा सिफारिसभएका छन् ।  सोमबार गृह मन्त्रालयमा बसेको बढुवा समितिको बैठकले उनलाई एआईजीमा बढुवा सिफारिस गरेको हो ।

केही अघिमात्र मन्त्रिपरिषद् बैठकले एआईजीको दरबन्दी थपेको थियो भने सोही  दरबन्दीमा उनी बढुवा सिफारिस भएका हुन् ।

बैठकपछि गृह मन्त्रालयले प्रहरी प्रधान कार्यालयलाई प्रेषित गरेको  पत्रमा प्रहरी नियमावली, २०७१, (संशोधन सहित) को नियम २७ कोउपनियम (४) को प्रावधानअनुसार सिफारिस गरिएको उल्लेख छ ।

पोखरेल हाल महानगरीय प्रहरी कार्यालय रानीपोखरीमा कार्यरत रहेका छन् भने अबको मन्त्रिपरिषद् बैठकले स्वीकृत गरेपछि उनीएआईजीमा बढुवा हुनेछन् ।

गृहले उनलाई बढुवा सिफारिस गरेसँगै उनी आगामी आईजीपी बन्ने पक्कापक्की जस्तै देखिएको छ ।