कारागारका बन्दिलाइ पुस्तक बितरण

पाल्पा , २७ माघ । पुस्तक दिबसको अबसरमा नेपाल पुस्तक तथा स्टेसनरी ब्यबसायी महासंघ पाल्पाले जिल्ला कारागार तानसेन पाल्पाका बन्दीहरुलाई पुस्तक तथा खेलकुदका सामग्री बितरण गरेको छ। 

कार्यक्रममा ८१ थान पुस्तक २ थान बल २ थान चेस २ थान लुडो १ सेट ब्याट्मिन्टन र एक दर्जन कक बितरण गरिएको थियो। बितरण समारोहमा कार्यलय प्रमुख भक्तीसरा रानाले अन्य संघ संस्थामा सहयोगको लागि आग्रह गर्दा पनि पुस्तक सहयोग पाउन नसकेको तर पुस्तक ब्यबसायीहरुले अकस्मात गरेको सहयोगले आफू र आफ्नो कार्यालय निकै खुसी रहेको र  सहयोग गर्ने महासंघलाई धन्यवाद दिनुभएको थियो ।                                    

बि .स १९८३ सालमा स्थापना भएको कारागारमा ५६ जना महिला २ जना बालबालिका र २३३ जना पुरुष बन्दी रहेका छन। पुस्तक ब्यबसायी महासंघ पाँच नम्बर प्रदेशका कोषाध्यक्ष कमलराज तिमिल्सिनाले कार्यक्रमको बारेमा स्पष्ट पर्नु भएको थियो । जिल्ला शाखा सल्लाहकार नरेसचन्द्र भट्टराईले आगामी बर्ष पनि यो सहयोगलाई निरन्तरता दिने जानकारी गराउनु भयो । 

जिल्ला शाखा अध्यक्ष किसोर भट्टराईले अन्य पुस्तकहरु माग आए आफुहरु सहयोग गर्न जति बेला पनि  तयार रहेको बताउनुभयो । 

बन्दीको तर्फबाट राजु आचार्य र आशा दाहालले सधैको उपयोगी हुने पुस्तक आफुहरु को साथी जस्तै रहने धारण व्यक्त गर्नुभयो । कार्यक्रम जिल्ला शाखा अध्यक्ष किसोर भट्टराईको अध्यक्षतामा सम्पन्न भएको हो ।