सुनसरी, माघ १०
थ्रीस्टार क्लब इटहरीमा जारी प्रथम मदन भण्डारी स्मृति अन्तर्राष्ट्रिय आमन्त्रण इटहरी गोल्डकप फुटबल प्रतियोगिताको फाइनलमा प्रवेश गरेको छ । बुधबार भएको सेमिफाइनलमा त्रिभुवन आर्मी क्लबलाई ‘टाइब्रेकर’मा पराजित गर्दै थ्रीस्टार फाइनलमा पुगेको हो ।
निर्धारित् ९० मिनेटको खेलमा आर्मीका स्ट्राइकर नवयुग श्रेष्ठ र थ्रीस्टारका मार्टिन्स अजयीले गोल गर्दै १/१ को बराबरी गरेपछि खेल टाइब्रेकरमा पुगेको थियो । नवयुगले खेलको २६औं र थ्रीस्टारका विदेशी खेलाडी अजय मार्टिनले ५८औं मिनेटमा गोल गरेका थिए ।
टाइब्रेकरमा थ्रीस्टार ५-३ ले विजयी भयो । थ्रीस्टारका बुद्ध चेम्जोङ, निराजन खड्का, सुनील बल, अनन्त थापा र धिजन सुब्बाले गोल गरे भने आर्मीका नवयुग, सन्तोष तामाङ र दीप लामाले गोल गर्दा अरिर विष्ट गोल गर्न चुके । खेलको ‘म्यान अफ द म्याच’ थ्रीस्टारका अजय मार्टिन घोषित भए ।
विर्तामोड, झापा — नव आदर्श टोल विकास संस्थाले सामाजिक उत्तरदायित्वका भावना सहित समाजसेवामूलक अभियान अन्तर्गत…
बिर्तामोड, झापा — स्वास्थ्यका लागि खेलकुद, लागूऔषधमुक्त समाज र लैङ्गिक समानता प्रवर्द्धन गर्ने उद्देश्यका साथ…
बिर्तामोड–३ स्थित मुसहर बस्तीकी ३५ वर्षीया दिलकुमारी ऋषिदेवको चट्याङ लागी मृत्यु भएको छ। बाख्रा लिन…