जनकपुरधाम–महत्त्वरी । महोत्तरी क्षेत्र नम्बर २ मा जनता समाजवादी पार्टी (जसपा) नेपालका अनुभवी नेता शरतसिंह भण्डारी पराजित भएका छन्।
राष्ट्रिय स्वतन्त्र पार्टी (रास्वपा)का उम्मेदवार दिपककुमार साहले ३२ हजार ७२२ मत प्राप्त गर्दै निर्वाचित भएका छन्। भण्डारीले भने १० हजार १९८ मतमा सिमित रहँदै २२ हजार ५२४ मतान्तरले पराजय भोग्नु परेको छ।
त्यसैगरी, अन्य प्रतिस्पर्धीमध्ये नेपाली कांग्रेसका किरण यादवले ९ हजार ७४५ मत, नेकपा (एमाले)का कासिम नदाफले ३ हजार ५२४ मत, नेपाली कम्युनिष्ट पार्टीका लक्ष्मणकुमार यादवले ७३७ मत र जनमत पार्टीका जयकुमार पाण्डेयले ४६३ मत प्राप्त गरेका छन्।
