डा. शशांक कोइरालाको भनाइ : राजाको आवश्यकता छैन

काठमाडौँ – नेपाली कांग्रेसका नेता डा. शशांक कोइरालाले पूर्वराजा ज्ञानेन्द्र शाहलाई पटक–पटक अवसर दिँदा सत्ताको दुरुपयोग गरेको बताएका छन्।

संघीय संसद् परिसरमा सञ्चारकर्मीसँग संक्षिप्त प्रतिक्रिया दिँदै उनले राजसंस्थाको कुनै आवश्यकता नभएको बताए। साथै, व्यवस्थाबारे जनताले निर्णय गर्ने उल्लेख गर्दै आफू हिन्दुराष्ट्रको पक्षमा रहेको प्रस्ट पारे।

उनले भने, ‘राजालाई पटक–पटक मौका दिइयो, तर सत्ताको दुरुपयोग गर्‍यो। अब के ग्यारेन्टी छ कि फेरि दुरुपयोग गर्दैन? त्यसैले राजा हामीलाई चाहिँदैन। हिन्दुराष्ट्रको पक्षमा भने म छु।’

त्यस्तै, उनले तीनकुने घटनामा राजावादी पक्षले भीड उक्साएको आरोप लगाउँदै कानूनी कारबाहीको माग गरे।