आइतबारदेखि मौसममा सुधार, भारी वर्षाको सम्भावना न्यून

काठमाडौं, आइतबारदेखि मौसममा सुधार हुने जल तथा मौसम पूर्वानुमान महाशाखाले जनाएको छ। महाशाखाको बुलेटिनअनुसार भारी वर्षाको सम्भावना छैन, र शनिबार बेलुकादेखि नै वर्षा रोकिएको छ।

यद्यपि, भारतको उत्तर प्रदेश र आसपासको न्यूनचापीय प्रणालीको प्रभाव नेपालमा रहेको छ। आइतबार बिहान कोशी, बागमती, र लुम्बिनी प्रदेशका केही स्थानमा हल्का वर्षा भइरहेको छ। दिउँसो देशभर आंशिकदेखि साधारण बदली रही केही स्थानमा हल्कादेखि मध्यम वर्षाको सम्भावना रहेको महाशाखाले जनाएको छ।