ओसाका। जापानमा नेपालीहरुको महान् पर्व बडा दशैंको अवसरमा डिस्कभरी सर्पोटको आयोजनामा दशैं फेस्टिवल हुने भएको छ। अक्टोबर १२ तारिक, अर्थात् विजया दशमीको टिका लगाउने दिनको अवसरमा ओसाकाको नाम्बामा कार्यक्रमको आयोजना गरिने छ। यस कार्यक्रममा टिका, जमरा, पिङ, नेपाली खानाका विभिन्न परिकारहरू, साथै विभिन्न खेलकुद र मनोरञ्जनात्मक गतिविधिहरू पनि हुनेछ।
डिस्कभरी सर्पोट तथा आयोजक संस्थाका प्रतिनिधि युकी जापानका सीईओ युयाङ लामाले यो जानकारी दिँदै, जापानमा अध्ययनको क्रममा दश वर्षदेखि दशैं मनाउन नपाएका धेरै नेपालीहरुको लागि यस फेस्टिवलले विशेष रौनकता थप्ने विश्वास व्यक्त गरेका छन्। साथै जापानका सामाजिक अभियन्ता विकास अधिकारीले पनि यस पटकको दशैं फेस्टिवललाई निकै उत्साहपूर्ण ठानेका छन्।
कार्यक्रम एभरेष्ट फेस्टा भएको स्थानमा हुनेछ, जहाँ लगभग ३ हजार नेपालीहरुको सहभागिता हुने अनुमान गरिएको छ। ठुलो संख्यामा नेपालीहरु बसोबास गर्ने ओसाकामा यस कार्यक्रमले थप उत्साह ल्याउने अपेक्षा गरिएको छ। फेस्टिवलमा नेपाली, थकाली, नेवारी परिकारहरूका साथै श्रीलंका, बंगलादेश र भारतका खानाका स्टलहरू पनि रहनेछन्। लगभग २६ वटा स्टलमा व्यवसायिक कम्पनीहरू, रेमिट्यान्स्, रियल स्टेट लगायतका सेवाहरू रहने जनाइएको छ।
आयोजकहरूले दशैं फेस्टिवलमा सहभागी भई रमाइलो गर्न सबै नेपाली समुदायलाई निमन्त्रणा गरेका छन्।
बिर्तामोड। अनारमनी सोशल यूथ क्लबले आयोजना गरेको बिर्तामोड रनको तेस्रो संस्करण आगामी १४ कार्तिक २०८१…
दमक, उत्प्रेरक उद्यमी समाज बिर्तामोड ४, झापाको दोस्रो वार्षिक साधारण सभा आज सफलतापूर्वक सम्पन्न भएको…
काठमाडौँ – राष्ट्रिय स्वतन्त्र पार्टीका सभापति रवि लामिछानेलाई सहकारी ठगी प्रकरणमा प्रहरीले शुक्रबार पक्राउ गरेको…
काठमाडौ: समकालीन विश्वमा चीन दोस्रो ठूलो कार बजार र अर्थतन्त्रको आकारमा पनि दोस्रो स्थानमा रहेको…
काठमाडौ। लण्डन, ओन्टारियोको प्रतिष्ठित म्युजिक हलमा हुन लागेको नेपाली गायक सबिन राई एण्ड द फरोजको…
काठमाडौ । आज असोज शुक्ल दशमी, अर्थात् विजयादशमी, बडादशैँको मुख्य दिनको रूपमा देशभर धुमधामका साथ…