बारामा गोली लागेर घाइते भएका प्रधानाध्यापकको मृत्यु

वीरगञ्ज – गोली लागेर घाइते भएका कलैयाको बाल एकता बोर्डिङ स्कुलका प्रधानाध्यापक रुपेश स्वर्णकारको मृत्यु भएको छ।

उनको उपचारको क्रममा वीरगञ्जस्थित बयोद्धा अस्पतालमा मृत्यु भएको हो। सोमबार दिउँसो करिब एक बजे मोटरसाइकलमा आएका अज्ञात व्यक्तिहरुको समूहले स्वर्णकारमाथि दुई राउण्ड गोली प्रहार गरेको थियो।

उनीमाथि दुई वटा मोटरसाइकलमा आएका चार जनाको अज्ञात समूहले गोली प्रहार गरेको बाराका प्रहरी प्रवक्ता डिएसपी दधिराम न्यौपानेले जानकारी दिए।

गोली प्रहारबाट घाइते भएका स्वर्णकारलाई कलैयामा उपचारपछि थप उपचारको लागि एलएस न्यूरो परवानीपुरमा भर्ना गरिएकोमा बयोद्धा अस्पतालमा ल्याइएको थियो। मिठाइ किनेर कलैया उपमहानगरपालिका–६ स्थित बोर्डिङ स्कुलमा फर्किरहेका उनलाई गोली प्रहार गरिएको थियो।