कर्णेल उजीरसिंह पाल्पा गोल्डकप फुटबल प्रतियोगिता सुरु

पाल्पा । तानसेनमा कर्णेल उजीरसिंह पाल्पा गोल्डकप फुटबल प्रतियोगिताको उद्घाटन भएको छ । उद्घाटन खेलमा पाल्पा–११ र रूपन्देहीको लिस्नु क्लबबीच प्रतिस्पर्धा भैरहेको छ । आयोजक पाल्पा फुटबल संघ (एन्फा) ले गरेको ‘ड्र’ अनुसार उद्घाटन खेलमा समूह ‘ए’ रहेका पाल्पा र रूपन्देही बिचको खेल यतिबेला भैरहेको छ ।

तानसेन टुँडिखेलमा आज बाट भएको प्रतियोगितामा सहभागी १२ टिमलाई दुई समूहमा विभाजन गरिएको छ । समूह ‘ए’ मा पाल्पा र लिस्नुसहित फोर ब्रदर्स नवलपरासी (पश्चिम), रोड्स रामपुर एफसी चितवन, गार्डेन फुटबल क्लब पोखरा, वीर गोर्खाली लखनउ भारत छन् । समूह ‘बी’ मा रूपन्देही–११, २८ विघा युथ क्लब नवलपरासी (पूर्व), होराइजन फुटबल क्लब स्याङजा, स्वयम्भू युथ क्लब काठमाडौं, विष्णुपादुका युथ क्लब पोखरा र दी फेमस महिन्द्र दल गण पाल्पा छन् ।

समूह ‘ए’ मा रोड्स रामपुर र गार्डेन पोखराबीचको विजेताले वीर गोर्खालीसँग प्रतिस्पर्धा गर्नुपर्नेछ । पाल्पा र लिस्नुको बिजेताले फोर ब्रदर्ससँग खेल्नेछ । फाइनल जेठ २७ मा हुनेछ ।

विजेताले ३ लाख र दोस्रोले १ लाख ५० हजार रुपैयाँ पुरस्कार पाउने पाल्पा जिल्ला फुटबल संघका अध्यक्ष प्रणयवीर राणाले बताए । म्यान अफ द म्याचले ३ हजार पाउनेछन् । विधागत उत्कृष्टले जनही ६ हजार पाउनेछन् ।