संसद् भवनअगाडि आत्मदाह प्रयास गरेका युवकलाई उपचार

काठमाडौँ- काठमाडौँ नयाँ बानेश्वरको संसद भवअगाडि आत्मदाह प्रयास गरेका युवकलाई उपचारका लागि कीर्तिपुर अस्पताल पुर्‍याइएको छ। इलामका ३६ वर्षीय युवकले संसद भवनअगाडि मंगलबार दिउँसो आत्मदाह प्रयास गरेका हुन्।

संघीय संसद भवनको मुख्य प्रवेशद्वारको विपरीत दिशामा ती युवकले एसिडजस्तो तरल पदार्थमा आगो लगाई आगो भित्र छिरेको प्रत्यक्षदर्शीले जानकारी दिएका छन्। काठमाडौँ प्रहरी परिसरका एसपी दिनेशराज मैनालीका अनुसार आत्मदाह प्रयास गरेका युवकलाई प्रहरीले ट्याक्सीमा राखेर कीर्तिपुर अस्पताल पुर्‍याएको हो।

उनलाई तत्काल उद्धार गरी उपचारका लागि कीर्तिपुर अस्पताल लगिएको हो।