झापा। २०६० साल भदौ ३१ गते तत्कालीन माओवादीका कार्यकर्ताले गोली हानी हत्या गरेका राष्ट्रिय अनुसन्धान विभागका अनुसन्धान अधिकृत खतियासिंह राजवंशीको परिवारले दुर्गा माविमा पाँच लाखको अक्षय कोष स्थापना गरेका छन् ।
आफ्ना बुवाको संझनामा बिर्तामोड ९ स्थित दुर्गा माविका अति विपन्न जेहेन्दार १- १ जना छात्र–छात्रा र बिर्तामोड नगरपालिकाका सामुदायिक विद्यालयमा कार्यरत विद्यार्थी तथा विद्यालयप्रति समर्पित २ जना उत्कृष्ट शिक्षकहरुलाई अक्षय कोषको व्याजबाट नगदसहित सम्मान गर्ने उद्धेश्यले स्व.खतियासिह राजवंशी स्मृति अक्षय कोष स्थापना गरिएको स्व. खतियासिंह राजवंशीका छोरा संजय राजवंशीले बताए ।
अक्षय कोषको संस्थापक दाता स्व. राजवंशीकी श्रीमती शारदा (राधिका) खड्का राजवंशी रहेकी छन् । दाता शारदा, विद्यालयका प्रधानाध्यापक र विद्यालय व्यवस्थापन समिति अध्यक्षको संयुक्त दस्तखतमा अक्षय कोष सञ्चालन हुनेगरी संझौता गरिएको विद्यालयका निवर्तमान प्रधानाध्यापक कृष्णप्रसाद पाठकले बताए । स्व. राजवंशीका श्रीमती शारदा ,छोराछोरीहरु प्रेमा, वन्दना, विजय, सञ्जय, चेतना, निरु र अजय राजवंशी रहेका छन् ।
बिर्तामोड ७ निवासी राजवंशीलाई तत्कालीन माओवादी कार्यकर्ताहरुले २०६० साल भदौ ३१ गते गरामनी बजारमा गोली प्रहार गरेका थिए । उनको उपचारका क्रममा काठमाडौंको बिर अस्पतालमा असोज ४ गते मृत्यु भएको थियो ।
बिर्तामोड, झापा — स्वास्थ्यका लागि खेलकुद, लागूऔषधमुक्त समाज र लैङ्गिक समानता प्रवर्द्धन गर्ने उद्देश्यका साथ…
बिर्तामोड–३ स्थित मुसहर बस्तीकी ३५ वर्षीया दिलकुमारी ऋषिदेवको चट्याङ लागी मृत्यु भएको छ। बाख्रा लिन…
काठमाडौँ – राष्ट्रपति रामचन्द्र पौडेलले नवनियुक्त प्रधानमन्त्री सुशीला कार्कीको सिफारिसमा शुक्रबार मध्यरातमा प्रतिनिधिसभा विघटनको घोषणा…