पोखरा- पोखरा अन्तर्राष्ट्रिय विमानस्थलमा बुधबार पहिलोपटक अन्तर्राष्ट्रिय उडान हुँदैछ । चिनको छेन्दु विमानस्थलबाट सिचुवान एयरलाइन्सको एयरबस ए–३१९ विमानले पोखरा सिधा उडान भर्नेछ ।
बिहान साढे ९ बजे सिचुवान एयरलाइन्सको विमान पोखरा ओर्लने विमानस्थल प्रमुख विक्रम गौतमले बताए । उनका अनुसार चार्टर्ड उडानमा १३० यात्रु सवार हुनेछन् । छेन्दुबाट उडान भरेको पौने ३ घण्टामा पोखरा आइपुग्ने जनाइएको छ ।
पोखराको फेवातालमा दक्षिण एसियामा पटक असार ८ र ९ गते हुन लागेको ‘ड्रागन बोटरेस फेस्टिबल’ मा सहभागी हुने खेलाडी र चिनियाँ पाहुना चार्टर्ड उडानमार्फत पोखरा ओर्लन लागेका हुन् ।
चीन भ्रमणमा रहेका राष्ट्रिय सभा अध्यक्ष गणेशप्रसाद तिम्लिसनाको टोली पनि उक्त उडानमार्फत पोखरा आउनेछ।
पहिलो व्यावसायिक अन्तर्राष्ट्रिय उडानका लागि तयारी पूरा भएको विमानस्थल प्रमुख गौतमले बताए ।एयर ट्राफिक म्यानेजमेन्टदेखि कम्युनिकेशनसम्मको तयारी चुस्तदुरुस्त रहेको गौतमले बताए । उक्त विमान पोखरा १ घण्टा बसेर काठमाडौं उड्नेछ ।‘हाम्रो तयारी त जनवरी १ बाट नै हो । व्यावसायिक पहिलो उडानलाई उत्सवको रुपमा मनाउन तयार छौं’, उनले भने ।
नेपाल पर्यटन बोर्ड, नेपालस्थित चिनियाँ दुतावास र पोखरा महानगरपालिकाले आयोजना गरेको ‘ड्रागन बोटरेस फेस्टिबल’ मा पहिलो पटक अन्तर्राष्ट्रिय उडान भएपनि नियमित भने हुने छैन ।
पुस १७ गते प्रधानमन्त्री पुष्पकमल दाहाल ‘प्रचण्ड’ले धुमधामका साथ उद्घाटन गरेको विमानस्थल आन्तरिक उडानमै सीमित छ ।
प्रधानमन्त्री दाहालले भारत भ्रमणको क्रममा अन्तर्राष्ट्रिय उडानका लागि सम्झौता गर्ने अपेक्षा गरेका पोखरेली खिन्न छन् ।
चीनको एक्जिम बैंकको झण्डै २२ अर्ब रुपैयाँ सहुलियत ऋणमा पोखरा अन्तर्राष्ट्रिय विमानस्थल निर्माण भएको हो ।
चिनियाँ निर्माण कम्पनी सीएएमसीले निर्माण गरेको विमानस्थल २०७८ चैत १२ गते नेपाल भ्रमणमा आएका चिनियाँ विदेशमन्त्री वाङ यीले तत्कालीन प्रधानमन्त्री शेरबहादुर देउवाको उपस्थितिमा परराष्ट्रमन्त्री डा. नारायण खड्कालाई विमानस्थलको साँचो हस्तान्तरण गरेर बुझाएका थिए ।
पोखरामा अन्तर्राष्ट्रिय विमानस्थल बनाउन २०३२ सालदेखि जग्गा अधिग्रहण सुरु भएको थियो । झन्डै पाँच दशकमा पोखराबाटै वैदेशिक उडान भर्ने गण्डकीबासीको सपना अझै पूरा भएको छैन ।
जापान । जापानबाट नेपाल लगायत विश्वका विभिन्न देशहरुमा पैसा पठाउँदै आइरहेको फोरेक्स रेमिटेन्सले मोवाईल एप्लिकेसन…
बिर्तामोड। अनारमनी सोशल यूथ क्लबले आयोजना गरेको बिर्तामोड रनको तेस्रो संस्करण आगामी १४ कार्तिक २०८१…
दमक, उत्प्रेरक उद्यमी समाज बिर्तामोड ४, झापाको दोस्रो वार्षिक साधारण सभा आज सफलतापूर्वक सम्पन्न भएको…
काठमाडौँ – राष्ट्रिय स्वतन्त्र पार्टीका सभापति रवि लामिछानेलाई सहकारी ठगी प्रकरणमा प्रहरीले शुक्रबार पक्राउ गरेको…
काठमाडौ: समकालीन विश्वमा चीन दोस्रो ठूलो कार बजार र अर्थतन्त्रको आकारमा पनि दोस्रो स्थानमा रहेको…
काठमाडौ। लण्डन, ओन्टारियोको प्रतिष्ठित म्युजिक हलमा हुन लागेको नेपाली गायक सबिन राई एण्ड द फरोजको…