कर्णेल उजीरसिंह पाल्पा गोल्ड कप फुटबल प्रतियोगिता हुने

पाल्पा, ४ जेठ । लामो समय पछि पाल्पाको तानसेन टुँडिखेल मैदानमा कर्णेल उजीरसिंह पाल्पा गोल्ड कप फुटबल प्रतियोगिता हुँदै छ ।

यही जेष्ठ १२ देखि २७ गतेसम्म राष्ट्रियस्तरको कर्णेल उजीरसिंह पाल्पा गोल्ड कप फुटबल प्रतियोगिता हुन लागेको हो । तानसेनको टुडिखेल स्तरउन्नती भएपछि पहिलोपटक ठूलो प्रतियोगीता आयोजना हुन लागेको हो । प्रतियोगितामा १६ टिमको सहभागीता रहने छ । जसमा पाल्पा, रुपन्देही, नवलपरासी, कपिलवस्तु, बाके, स्याङ्गजा, कास्की, चितवन र काठमाडौं रहने छन् । प्रतियोगितामा प्रथम हुने टिमलाई नगद ३ लाख, ट्रफी मेडल र प्रमाणपत्र, द्वितीय हुने टिमलाई नगद १ लाख ५० हजार, ट्रफी मेडल र प्रमाणपत्र, प्रत्येक दिनको म्यान अफ दि म्याचलाई नगद ३ हजार र उत्कृष्ट गोल रक्षक, डिफेण्डर, सर्वश्रेष्ठ खेलाडी, सर्वाधिक गोलकर्तालाई नगद ६ हजार प्रदान गरिने आयोजकले जनाएको छ ।
जिल्ला खेलकुद विकास समितिका कार्यवाहक अध्यक्ष दिपक घिमिरेले जिल्लामा राष्ट्रियस्तरको प्रतियोगिता सञ्चालन हुनुु गौरवको विषय भएको बताउनुभयो ।

तानसेनमा लामो समयपछि हुन लागेको खेल प्रतियोगिताले खेल पर्यटक भित्रीने अपेक्षा पाल्पाका ब्यवसायीले लिएका छन ।